買手信懶人包 在港掃日本零食扮禮物 網民警告包裝中文標籤出事 醒目打工仔早留後路防穿煲｜Juicy叮

外遊買手信本是人情債，但原來可以「留港解決」。有了這個神級買手信懶人包，日後去旅行也可輕鬆偷雞。一名港男自爆遊日為騰空喼位塞滿私伙嘢，竟在港狂掃日本零食扮手信。正當網民齊聲警告包裝背面的中文貼紙是致命死穴、隨時當場穿煲之際，這位醒目打工仔原來早留暗黑後路，一招完美化解誠意危機。詳情見下圖及下文：買手信懶人包 在港掃日本零食扮禮物 網民警告包裝中文標籤出事 醒目打工仔早留後路防穿煲逐張睇↓↓↓↓在港掃日貨扮手信樓主昨天（6日）在社交平台 Threads發帖，分享自己的精明妙計：「啱啱去咗買咗一堆日本製零食，遲啲扮日本手信派畀同事，其實有冇人都會咁做？」他透露，此舉全因想在當地「個行李箱又多啲位買自己嘢」。為了騰空喼位，他決定不從日本搬運手信回港，而是在港直接到連鎖零食店掃貨。他直言這樣做既可「順便支持下香港鋪頭」，又「唔使從日本搬嚟」，堪稱一舉多得。不少網民看後大表贊同，直言去旅行應該「自己行先」，有人直指：「其實都係，去玩緊係照顧自己先，買手信佔用自己行李箱空間根本就唔應該。」更有網民表示這早已是公開的秘密，笑稱：「十年前已經咁玩。」也有人爆料指：「我媽都試過咁做。」有知音人坦言：「我成日去完日本想咁做，但未試過。」也有網民採取「分級制」派手信，留言稱：「我啱啱先做完呢個動作，喺日本帶返嚟嘅只送畀重要嘅人。」網民提醒有中文進口標籤然而，在香港買日貨當手信，隨時會因百密一疏而當場「穿煲」。網民急急拉響警報，指出外包裝上的中文進口標籤是致命傷。網民心急留言提醒：「喺香港買嗰啲包裝後面會有張label（標籤），記得摵走先送畀人。」有過來人隨即分享尷尬史：「我試過，但畀同事問點解有中文字，有貼紙唔記得撕，勁尷尬，你要小心睇下。」更有網民笑指，現在香港資訊發達，很多日本當地的「限定手信」早已引入香港，有網民分享上次去富士山自駕遊的中伏經歷：「上次去富士山自駕遊，買咗啲富士山造型朱古力餅，返到香港原來有，等我仲手提返嚟驚死寄倉會整爛，以後都喺香港買算，又可以慳行李位。」也有人對「送零食」持保留態度，認為：「每次去旅行，都有一班唔熟嘅人，會收到樓下文具舖啲禮物㗎啦，零食梗係唔得啦，相同零食嘅撞爆率太高。」亦有網民堅持誠意至上：「我如果買手信送人，一定買香港冇得賣嘅。」拆開包裝分發 醒目樓主一招過關面對眾人的好意叮囑與「穿煲」擔憂，樓主隨即得意地透露，自己其實早已留有暗黑後路，根本毋須大費周章去搣貼紙。他大方分享自己的不敗神技，指自己買零食時早已看準包裝規格：「專買一包內有獨立包裝，拆開派，無人知。」由於小包裝上只有日文、沒有任何香港入口商的中文標籤，此招完美避開包裝底的中文貼紙，安全過關。資料來源：eric.hon.750＠Threads相關閱讀：網友指同事派手信竟收錢 一塊日本香蕉蛋糕盛惠5大元