赤柱膽小狗被同類嚇驚跳海失蹤 市民貼文「希望佢自己游上岸」

赤柱有狗跳海失蹤。今日(3日)傍晚6時02分，有男子報案，指其愛犬在赤柱廣場美利樓近足球場，突然跳入海中。他亦曾落海救狗，但狗狗向赤柱泳灘方向游去，並且失去蹤影。救援人員趕至現場，在附近一帶海邊搜索狗蹤，暫未有發現。男狗主救狗期間，腳部被岩石擦傷。 其後，有網民在社交平台發文尋狗，並張貼了懷疑跳海失蹤狗狗的圖片，指該狗狗是唐狗，名叫「粟米」，希望有船家見到協助尋找。貼文又指，「粟米」半年前由朋友領飬，膽小，畀其他狗狗嚇親掙脫跳落海，希望佢自己已經游返上岸」。 有釣魚郎拍下狗狗跳海經過，並把影片上戴到社交網及貼文講述經過，「其實我完全理解佢哋嗰陣時好心急，所以一啲表示都冇嘅，但我唔覺得成件事搞咗差唔多十幾廿分鐘成半個鐘，期間從我喺度幫佢掉水泡落水到離開一句多謝都冇講過，我自己覺得好唔gur囉，主角2號上到水一句多謝都冇，直接去搵佢老婆，我覺得自己好似佢嘅工人咁樣感覺，早知搞到咁呀我就唔多管閒事啦，由得佢自生自滅死咗去算啦，但係如果大家有狗嘅消息呢都希望可以通知下佢哋囉」。