贍養父母｜單身孝順女獨力照顧生病父母 已婚兄姐卸膊仲落井下石：真係心淡

三兄弟姊妹僅一人照顧生病父母？近日，有單身女生在Threads發帖訴苦，指自己半年來獨力照顧生病的父母，而已婚的兄姊集體卸膊，不但無視她傳送的訊息，更落井下石說風涼話，令她感到心淡。帖文掀起熱討，網民紛紛教路反擊。贍養父母｜獨力照顧生病父母　已婚兄姐卸膊仲落井下石指責「放負」樓主無奈慨嘆「屋企最細、單身、未婚，就註定孭起父母」，指父年初搬到自己的新家，而後一個星期就發譫妄症，母親身體亦差到無法照顧自己。半年多來，與父母有關的一切事宜全都有自己獨力應付，「醫院、綜援上訴、排老人院、社區券、請工人」。 ▲ 單身孝順女獨力照顧生病父母，已婚兄姐卸膊仲落井下石：真係心淡。（《香港愛情故事》劇照）然而，自己的兄姐卻置身事外，阿哥平日「一星期探一兩次」，訊息時常「已讀不回」；而已移民到英國的家姐，「阿爸入院返得嚟兩個禮拜」，樓主有時在家族群組中訴苦兩句，卻被家姐指責「放負」，姐夫更冷嘲熱諷落井下石「有情緒病就睇醫生」。樓主對此感到是十分心寒，不解「佢哋個個有家庭，就可以卸膊？結婚生仔唔係大曬，父母係大家嘅，理應除三份。我唔係唔想照顧，但一個人頂咁耐，連多謝都冇聲，仲要食住我，真係心淡」。贍養父母｜網民教2招反擊：唔可以推卸父母嘅責任帖文引來網民熱議，紛紛指責樓主兄姐自私冷血，「結咗婚唔代表對父母佢哋無份，唔可以推卸照顧父母嘅責任畀其他家庭成員」、「如果你係獨生還好，因為明知冇人可以同你分担，但明明有兄弟姐妹，個個都缷責，仲要唔體諒你，真係心灰灰」、「冇幫手照顧就出錢，唔出錢唔幫手嘅，憑咩指手畫腳」。 ▲ 單身孝順女獨力照顧生病父母，已婚兄姐卸膊仲落井下石：真係心淡。（《不夠善良的我們》劇照）更有不少人教樓主反擊，為自己減壓，「叫家姐阿哥夾大份啲當補償返你嗰份」、「請工人嘅錢、爸媽所有開支，包括食用、尿片、床墊、醫療等費用，每月計好數，列晒細明表，平均分三份，叫佢哋過數。如果有人唔肯出，就鬧佢：爸媽大家有份，所以平分開支係好應該。唔出手，就必須出錢！」更多相關文章：交家用｜「初級大人」首月出糧3萬愁俾幾多家用 自揭家庭關係網民一面倒建議最多10%：已仁至義盡網購平台｜長輩沉迷網購平價貨 棄$7000名牌拼多多買$60抽油煙機 孝順女憂安全問題崩潰：已經阻止唔到