港人激辯理想VS最差居住地！1區列最佳引質疑 將軍澳登「主觀」最差榜首 街坊反駁：邊忽差啊？

買樓或租樓向來是港人熱話，不同地區亦各有優劣之處，交通、配套以至生活環境對於選址決定有直接關係。近日，有港人於網上社交平台「非常主觀」列出全港最理想及最差居住地區頭5位，當中將軍澳登上最差榜首，至於另1地區被列「理想」掀起一眾網民質疑。對於將軍澳位列最差，更引來街坊反駁：「邊忽差啊？」全港最理想VS最差居住地！將軍澳登港人「主觀」榜首惹街坊反對選擇心目中的理想居住區域，相信每個人按不同要求及生活模式，都各有不同的心儀地區。近日，有港人於網上社交平台「非常主觀」列出全港最理想及最差居住地區頭5位，當中整個將軍澳區域，包括調景嶺、將軍澳、坑口、寶林及康城，均登上最差居住地榜首，緊隨其後為觀塘、藍田、上水、杏花邨。至於荃灣則為最理想居住地區冠軍，沙田居亞，葵芳位列第3位，長沙灣及大角咀均上榜。居於藍田港鐵站上蓋的樓主解釋，考慮到將軍澳前往內地或機場的距離及車程，加上主要依靠鐵路出入，一旦發生故障的話，有如黑洞一樣，「有入無出，所以將軍澳真係搞唔掂」。對於帖文中指出將軍澳為最差居住地區，有不少街坊反駁其說法，分析區內配套完善，加上踩單車可來往將軍澳主要區域，「將軍澳係最好住，踩住架單車都去齊晒，寶琳落坑口、坑口落將軍澳同調景嶺，每個地方好齊全，仲有個海濱長廊，跨住條橋去康城都得」、「將軍澳好差咩？」、「將軍澳南，背山望海，樓下地鐵站，低密度，視野廣闊」、「將軍澳自成一角應有盡有，唔算嘈，有海睇、有綠化」、「將軍澳除咗好潮濕，諗唔到有咩唔好」、「將軍澳邊忽差？頂多只係交通上面麻煩少少」。這區封「最佳」引 網民質疑：完全唔覺有網民不認同荃灣為最理想區域，認為該區較舊且焗促，「荃灣勁臭，係我最差top1」、「荃灣好舊，只係勝在食嘢買嘢都方便」、「完全唔覺得荃葵青好住」；也有網友表示被列為最差第5位的杏花邨該列入理想之處，「居住環境超好！寧靜舒服，鄰居也斯文有禮」、「理想無太古笑咗，杏花邨點會差，怕打風咪住上杏，最差點可以無深水埗」。一眾網友各自推介心中理想地區，包括油塘、西貢、沙田，「沙田世一，希望多啲人明白沙田唔係好遠」、「最理想我覺得漏咗九龍灣」、「冇山頂、冇淺水灣、冇赤柱，除咗窮都冇咩好講」、「油塘先係全港最好住地方，交通配套又好，風景又靚，又有海景」。對於樓主的主觀排名，有網民理性分析各人的條件與考慮有別，年紀亦會影響居住選址，難以一概而論，「唔同年齡層、經濟收入，睇法好唔同」。網民從樓主的排名來看，推斷他為初入社會的年輕人，收入不高，多行商場、飲食、看電影、坐交通工具，「這一族群來說，這個排名也是合理」。不過，當步入職場一段時間加上有一定收入人士而言，「呢啲理想嘅地方，全部都係好基層嘅地方，唔好話居住，可能根本唔想踏入呢啲地方」。文：RY資料及圖片來源：Threads延伸閱讀：荃灣獲封SSR級神區！網民盤點6大優勢 完善配套+無縫天橋：呢世都可以唔使離開