女神配對計劃2｜冷氣技工方智弘爆紅遭質疑造馬 舊顧客證3年前已幫襯 前拍檔揭私下人品

【女神配對計劃2 / 方智弘 / 冷氣技工】TVB戀愛真人騷《女神配對計劃2》於上周日（6日）首播，「求愛勇者海選」環節，26歲的冷氣技工方智弘（Oscar）憑出眾的混血靚仔外貌，在網絡一夜爆紅，社交平台追蹤人數爆漲。他受訪時透露，收到至少700至800個私訊，稱想要預約洗冷氣。Oscar的背景被起底，原來他曾參加《全民造星V》，是男子組合OneUp成員，但隨之而來的便是其冷氣技工身份遭到質疑。之後，便有就顧客發帖例證3年前曾幫襯，絕非塑造人設；前拍檔亦發帖，爆料他私下真實人品。女神配對計劃2｜舊顧客證3年前已幫襯方智弘透露自己18歲起便從事裝冷氣及洗冷氣工作，已有八年資歷，面對部分網民「做媒」質疑，有曾光顧他的顧客發帖力爭Oscar工作屬實，跟透露他相當專業，口碑良好：「三年前已經幫襯佢哋，服務好又企理，我仲介紹咗好多朋友個個都讚不絕口！」翻看Oscar社交網，亦能發現他不時分享洗冷氣工作照。也有網民表示，藝人收入並不穩定，有一門專業手藝能夠持續彌補：「歌手都唔係成日有Job Show，以後佢生意搵錢多過做歌手」、「洗冷氣好賺啲，重點係個持續性，屋企個冷氣每年都要洗」。女神配對計劃2︱吳旭東與阮嘉敏一劇結緣　跨境追女神盼進一步發展　Mandy拍內地短劇爆紅 ▼點擊圖片放大 +12 +11 女神配對計劃2｜前洗冷氣拍檔揭私下人品此外，有自稱曾經跟隨方智弘開工的網民亦發帖爆料，揭Oscar私下人品極佳：「有日，跟個師傅洗機，第一感覺唔講嘢，拎兩個水桶，孭住一個背囊，帶口罩好cool。可能因為工程有啲早未醒，所以唔多講嘢？係隔籬等車嘅時候，聽到師傅自己喺度唱歌，手腳好似跳舞咁律動，心諗大鑊，條友唔正常嘅。」然後續指：「食早餐嘅時候俾錢，師傅仔一手拍張八達通過嚟講咗句『同我開工要自己俾錢食早餐嘅咩？一陣睇下做到幾點，包埋你飯』。心諗，呢個年輕人咁霸氣，我呢個三張幾嘅都要跟佢搵食」。 ▼點擊圖片放大 +10 +9 更多《女神配對計劃2》相關文章：女神配對計劃2｜混血冷氣技工Oscar大起底 男團成員曾攞叱咤獎4月曾推新歌 被質疑做媒搏曝光阿Bob解畫女神配對計劃2｜內地演員吳旭東情傾阮嘉敏 兩度剝衫騷肌令關嘉敏梁敏巧失控女神配對計劃2︱吳旭東與阮嘉敏一劇結緣 跨境追女神盼進一步發展 Mandy拍內地短劇爆紅 ▲ 《女神配對計劃2》靚仔冷氣技工Oscar一夜爆紅。