單車黨橫行高速公路 目測逾20架參與最細未夠10歲

單車踩公路造成危險的新聞時有所聞，但都不及《東呼》留意到最近網上討論區瘋傳的一段影片那麼誇張。據上載影片的樓主形容，「今晚有『單車公路賽』，目測『參賽者』最細年紀大約7、8歲，我覺得我係阻住咗佢哋」，期間更有的士要急煞停，險象環生。 片段中可見，「單車黨」成員起碼超過20架，而且還不止一位小朋友。有網民狠批，單車踩公路也就罷了，「其實人哋踩馬路係要有隊形，唔係一大班好似散沙咁，左線10個，右線7個，仲有細路喺度」。不過亦有評論指，「左邊同右邊好明顯係兩班唔認識嘅人，左邊個班迴旋處直走，右邊個班迴旋處U-turn」，但仍有人批評，即使是這樣，也不代表可以霸佔整條路來踩。 另外，亦有網民聲稱親眼目擊這班單車友「喺深井麗都花園燈位，完全無視行人綠公仔燈亮着，為數廿幾部照衝過去，兩邊行人企定定都唔夠膽行」，狠批「單車L真係冇一個是蘑菇」，又質疑單車友「冇交牌費，冇第三者保險，憑乜嘢使用道路」。有網民則問了一個發人深省的問題︰「既然喺馬路踩單車當係車，咁點解細路可以踩？」