港鐵延綫東涌東站地盤唧車意外撞冧磚牆 幸工人反應快避一劫

有網民發貼文指在東涌綫延綫東涌東站內地盤發生冧磚牆事件，其中一張相中見地盤一位置有多塊碎裂的灰磚，另一張相相信為墮下磚塊的高位。有網民回覆指事發時「我地(哋)個師傅仲要飛落黎(嚟)之前企正係呢度，一聽到有怪聲向即刻向上望幅牆已經飛緊落黎(嚟)，好彩反應得切跑開兩步 執番條命。」 港鐵表示今日(29日)自東涌綫延綫東涌東站承建商得悉，今午約4時許，站內一幅今日剛開始砌建中的磚牆，疑因工人在推動一部盛載建築物料的唧車時，不慎撞倒。意外導致磚頭散落，部分並跌至下層。意外中無人受傷。港鐵公司高度重視事件，已責成承辦商立即進行調查並提交詳細報告，涉事範圍的工作即時暫停。