西環鬼屋外紅衫婦人燒衣掟落坑渠 網民質問「有沼氣會點」

不少市民於農歷7月盂蘭節前後，在街頭焚燒衣紙拜祭。今日(28日)社交平台流傳一條影片，在西環高街西營盤社區綜合大樓（俗稱高街鬼屋）外，一名穿紅衫兼戴紅頭飾的婦人，踎在高街與東邊街交界一大樹旁燒衣紙，且將正在燃燒的衣紙掟落坑渠內。 網民對婦人的行為嘩然，並質問「如果有沼氣會點」、「嘩！個盤(盆)都慳返」、「首先呢個人的行為真係要報消防，免引起全條高街有意外影響街坊，這裹是高街前瘋人院對面，佐治五世公園下的大榕樹下燒… 呢個人做乜啊…… 她還着紅衫」及「其實坑渠着火有即時火警危險，已經可以即時報消防。因為地下管道可能會滲漏沼氣，火勢可能蔓延或引爆」。 根據香港法例《公眾潔淨及防止妨擾規例》第4(1)條，任何人不得將扔棄物或廢物，棄置任何水道、溪澗、渠道、溝渠或水塘，違者可處第4級罰款（2.5萬港元）及監禁6個月。