宏福次輪上樓 「利是錢」不翼而飛 小朋友問「邊個攞咗」

政府安排大埔宏福苑7幢樓宇的居民再次返回單位執拾，由今日(21日)起至周六(23日)會安排宏仁閣、宏新閣和宏泰閣居民上樓。居民劉小姐直言，兩次上樓的感受都不好，「呢度我屋企嚟，我返唔到屋企啊！」對於收購的方案選擇，劉小姐認為無一個地方可以代替屋企，無一個地方比宏福苑更好。她又指單位內「利是錢」不翼而飛，小朋友問「邊個攞咗？」劉小姐坦言自己難以解釋。 劉小姐在宏福苑由細住到大，她的小朋友亦是由出生住到現時已讀小學，對宏福苑這個家感情深厚。她又說上一回上樓取回重要物品，今回想取小朋友玩具，讓他們可再次看到自己的物品。劉小姐指，除了大人，火災對小朋友都有很大影響，無辦法回家。劉小姐有向子女展示單位現況的相片，感受到小朋友的情緒。 她希望當局可以「做得好睇啲」，小朋友一直留意事件動向，他們不懂分析，亦不理解單位未受大火波及，為何不能回家。劉小姐直言，無法回答小朋友的疑問。劉小姐表示，小朋友將來成為社會棟樑，如果在這樣的社會制度情況下，他們還有發展機會嗎？ 被問到希望政府怎樣做至更好，她直斥「問番官員啊！」。劉小姐自言是蟻民，官員工資高，「(議助)分紅都有940萬元咁多，我哋邊有咁多錢。」