COURT!︱Stanley邱士縉首演法官勤練咬字 朱鑑然不敢掉以輕心：好愛呢個挑戰

【COURT! / 邱士縉 / 朱鑑然】由銀河映像製作的ViuTV電視劇《COURT!》內，MIRROR成員邱士縉（Stanley）、陳子豐、朱鑑然分別飾演不同的律政人員，以各自擁有的身份分享對故事的看法。飾演法官的Stanley表示：「佢對真相係非常之追求，好正義，另一方面都執著嘅，執著要搵到事實嘅真相，佢認為法庭呢個地方就係可以搵到事實嘅真相，還原返事情嘅經過，畀返受害人或被告嘅一個清白。」他看畢劇本後有另一番感受，「覺得法庭其實唔係一個追求真相嘅地方，佢只係一個盡量用持平嘅司法方式去維持返呢個社會嘅秩序，我都好Appreciate呢個世界如果有多啲Peter呢種類型嘅法官嘅話，可能成件事會再完整啲。」COURT!︱Gen Z演員葉澍欣APA畢業首度拍劇　演《COURT!》X小姐最擔心一件事 ▲ 《COURT!》邱士縉COURT!︱邱士縉努力習咬字Stanley稱榮幸與銀河合作：「佢哋個大名都聽過好多次，好榮幸可以同佢哋合作，亦都見到佢哋劇本嘅優秀，見到佢哋對戲劇嘅追求，我覺得係學到好多嘢。今次嘅角色係一個法官，比我平時講嘢更加字正腔圓，更加清晰，更加要冇懶音，呢方面我都有再練習多啲咬字再清晰啲。對白要好熟，都係好大嘅挑戰。」他自爆拍攝趣事，「我哋身處喺法庭景，法庭因為場地關係，就會拍咗啲律師先，拍好長嘅律師對話，轉機位要時間，之後先會轉嚟我呢邊法官個位，好多時佢拍呢邊嗰陣我就喺度瞓覺。」 ▲ 《COURT!》邱士縉COURT!︱陳子豐對劇本感驚訝陳子豐在《COURT!》飾演Stanley上司及師兄，表示：「同Stanley一齊成長，我哋嘅師父比較錫Stanley，但我係有丁點兒嘅妒忌。」他有感與Stanley合作很好玩、很順暢，稱：「都期待咗好耐，我哋第一次合作係好多年前嘅《大叔的愛》，但好少對手戲，等到咁多年之後嘅今日，雖然我戲份唔係好多，但我主要嘅對手就係Stanley。有幾場戲嘅情緒都有啲起落，同佢之間都有啲緊張、衝突，呢幾日都好緊張，好似好熟悉Stanley呢個人，會擔心做出嚟舒唔舒服。到今日就覺得有火花，係幾好睇，希望大家鍾意。」雖然角色是一名法官，不過他今次沒有法庭戲，說：「慶幸喺呢部戲入面冇法庭戲，因為對白會好長，知道之後即刻鬆一口氣。」他對劇本感到驚訝，並透露：「劇本寫咗一宗非禮案，心諗寫到咁拍唔拍到出嚟㗎？」 ▲ 《COURT!》陳子豐COURT!︱朱鑑然嚴陣以待至於朱鑑然飾演能幹的年輕律師，說：「頭腦轉數快，好鍾意打扮，好注重自己衣著，同劇組Create咗一個好身光頸靚嘅角色。」拍攝煞科戲當天的他有所感：「開心嘅時光過得特別快，我係盡咗力去準備Mark呢個角色。我台詞嘅功力或表達一向係比較差，對劇本係真係嚴陣以待，係咁唸係咁唸，我覺得呢個係上天畀我好大嘅一個挑戰，就知道我係時候再做好啲，亦令我好雀躍，好愛呢個挑戰。我就專攻呢樣嘢，唸到我覺得個台詞令我慣常講嗰句說話，然後發現當Action時就會不經意、好順咁講咗句台詞。」他大讚今次的劇本：「台詞、劇本係游乃海先生寫，個順暢度、精準度係令我讀一次已經清楚記得，知道晒所有角色嘅功能，同埋同邊個嘅關係，所以我覺得呢個劇本真係寫得非常之犀利。」 ▲ 《COURT!》朱鑑然 🔥全新升級Whatsapp「升學備戰Group」選校攻略｜奪A攻略｜校園動向【馬上入group】🔥Follow TOPick Whatsapp頻道🔔，唔會錯過熱門話題! https://whatsapp.com/channel/0029Va2riKf4o7qJmRRWrr1g免費成為TOPick會員，隨時參加有獎遊戲、好物試用、會員專享活動! 立即下載HKET APP︰https://onelink.to/f92q4mTOPick會員迎新大招募，免費做新會員送精美禮品! 詳情: https://event.hket.com/article/3965561/?r=mcsdediart