Ray Online｜遭高人提醒撤回港大校董提名？ 何君堯：好多高人，好多人高過我

何君堯撤回港大校董提名（陳芷晴攝） 立法會議員何君堯前排大打開口牌，話有興趣擔任香港大學議員校董一職。不過，噚日結果出爐，由選委界議員簡慧敏喺無競爭下當選。被問到係咪有高人提醒，何君堯回應：「好多高人，好多人高過我」。何君堯今日向傳媒透露其實已經提交提名表，但係撤回咗。佢話其實咩崗位都想擔任，服務大家。不過，出於大局意識、考慮到穩定性，「人事盡量唔好有咁多變化」。 簡慧敏成為港大議員校董（陳芷晴攝） 會秉承港大校訓履行職權簡慧敏話嚟緊會秉承港大校訓「明德格物」，認真履行職權，協助港大實現願景同使命。佢尤其關注港大發債、北部都會區大學城發展等。