商場阿姐地拖抹櫈 網民憂「會唔會抹過廁所」

本港鼠患嚴重，最近元朗商場一間食肆竟然有老鼠「巡舖」，游走餐具食物區，讓人看了膽戰心驚。談到商場衞生，有網民在討論區上傳照片，並稱在屯門良景邨一個商場內，清潔姐姐拖完地後，直接用同一地拖抹石櫈，變相將地上的骯髒東西，直接「抹」到石櫈上。 網民對此一片撻伐之聲。有留言指出「其實地拖就係將細菌、污糟嘅範圍愈拖愈大」。亦有網民分享在其他商場目睹的「恐怖」經驗，說在屯門另一個商場，見過有清潔姐姐用地拖抹洗手盆，有人則稱見過「拖完地個地拖，抹埋個廁板」，得出「一拖多用，呢個根本係常識」的結論。 事實上，之前亦有網民上載照片，顯示在慈雲山一個街市，有餅店店員在關門前用地拖抹麵包架，直言「十分惡心」。也有人質疑，不同工具抹不同地方固然重要，但抹東西的水甚麼時候更換一次，同樣不能忽視，「一桶水走天涯」洗足全場，同樣只會「愈抹愈衰」，認為下次在商場坐櫈，還是先用消毒濕紙巾抹一下比較穩妥。