中九龍隧道驚現三單車 網民笑指「應節」練習

本港昨日舉行「單車節」，不少選手事前也做足準備，爭取佳績。不過，《東呼即應》留意到網上討論區瘋傳的一段影片顯示，早在10日就有三輛單車在中九龍隧道「熱身」。據上載影片樓主描述，當日下午一時多，在中九龍幹線往九龍灣觀塘方向看到上述三輛單車，直至隧道出口位置，又指有6至7名隧道職員等待他們出來。 網上評論除了狠批單車友罔顧其他道路使用者安全，亦有網民指「一睇就知係外國車隊聽日嚟參加國際賽，呢條仲要係聽日嘅路線，不過我估參賽者唔知今日未封路唔可以用相同路線練習」。有留言亦理解地表示，「外國車手嚟香港比賽，未必熟法例，又唔熟路，跟住個GPS入咗隧道絕對唔出奇」。 然而，更多網民持反對意見，認為規矩就是規矩，「唔熟法例」、「跟GPS」均不是抗辯理由。「你試下去新加坡食香口膠後亂扔，跟手話唔熟例睇吓會點」，「跟GPS踩埋入去軍事禁區吖笨」。事實上，「單車節」作為盛事，一天半天封路，相信很多人也可理解，但正如有網民說，因為「練習」而發生意外，「一陣玩爛咗，下年無得搞，就大家都『冇癮』了」。