爭玩具變家長開戰！尖沙咀玩具店罵戰片瘋傳 女童媽怒索CCTV要公道 男童嚇至嚎啕大哭 

觀塘一名男童與一名內地女童就觀塘APM商場爭奪遊戲設施發生爭執，鬧至雙方家長大打出手鬧上法庭，同樣地尖沙咀商場一間連鎖玩具店遊戲區因小孩搶玩具問題，亦險釀成家長爭執。根據社交平台Threads今日（11日）流傳的一段由小朋友爭玩具導致家長爭執的影片，片長約1分鐘22秒，據上載者表示事發地點為尖沙咀海港城一間連鎖玩具店，據知涉事店舖今日下午開設專人指導遊戲區，有專人教導桌上遊戲享受親子樂，旁邊附設自助遊戲攤位，讓年紀較小的小朋友可以自行砌玩具取樂。「你唔好再話個小朋友」 一句激怒女童媽片中一開首，一名穿粉紅衫女童的媽媽聲稱女兒砌玩具期間，旁邊一名穿黃衫的男童欲取走玩具，遂上前與男童家長理論，男童媽媽向對方解釋「因為佢（女童）擸晒所有玩具，一件都唔肯畀人哋。」繼而向女童媽媽稱「個小朋友都喊緊，你唔好再話個小朋友。」女童媽媽聽到對方家長回應後情緒突變激動，「你(唔滿意)就要睇CCTV，你有無搞錯呀？」期間男童媽媽已不斷稱「得啦得啦，冷靜啲，唔使報警呀。」意圖息事寧人，但女童媽媽不屈不撓，向對方媽媽手指指點點「而家唔係我話要報警，係你炳我，我要公道。」備受指責的男童開始傳來陣陣啜泣聲，男童媽媽亦忍不住反駁「嘩，你喺小朋友面前，情緒咁激動呢？」新聞連結：觀塘apm女童被掌摑｜家長以暴制暴引3大惡果 專家教4招助小朋友解開朋輩紛爭爸爸想參戰 POLO男急擋 網民：最慘係兩個細路其時女童爸爸亦意圖加入爭論，身邊一直安撫兒子的POLO男隨即上前主動安撫男方。「女人吵架，男人唔好再加入去。」又向正就各自子女受驚而不斷理論的媽媽們表明「大家都暫停，冷靜，咁多小朋友都喺度。」交由妻子將嚎啕大哭的兒子帶走離開遊戲區，但男童媽媽已極度不滿邊走邊稱「有無搞錯，咁鬼惡？」未幾再有第三方上前勸止各方，稱各人越說越激動，會驚嚇其他在場小朋友，建議各方冷靜，影片隨即作結。上載影片的發帖者稱兩方母親一度爭拗至要求報警求助，但他中途離開未知道事態發展如何。根據警方紀錄未有任何報案，事件料最後不了了之，不過影片公開後，網友普遍認為小朋友爭奪應由小朋友解決，不應牽扯至大人身上演變成爭執，直言現今香港社會「生仔真係要考牌」。另外有網友留言稱遊戲區玩具應公平分配，而不是一人獨佔，「公海玩具點可以容許自己小朋友收埋唔畀人玩，自己唔教社會就會幫佢教。」亦有網友直指女童家長在小朋友場合情緒過度高漲，不合禮儀亦不合情理，「家長控制下情緒，個場合唔適合咁大聲喺度嘈，同攞咩公道，好影響其他人。」新聞連結：觀塘APM掌摑女童案 3女被控公眾地方打鬥 全部准以5千元保釋