葉蒨文曾展望｜葉蒨文發「獨照」放閃變罵戰 GM撰千字長文護航女友證情不變

【葉蒨文 / 曾展望 / 女神配對計劃】現年33歲的TVB小花葉蒨文（Sophie），去年參加戀愛真人騷《女神配對計劃》，與曾展望（GM）配對成功，轉眼兩人已拍拖一年，感情甜蜜穩定。Sophie與GM日前共進燭光晚餐，一同慶賀這個特別日子；事後葉蒨文在社交平台分享「獨照」放閃。單人照隨即便惹來網民揣測兩人感情生變，向來快人快語Sophie就直接開火不斷發帖留言反擊，眼見隨著爭議愈演愈烈，甚少在社交平台回覆帖文的GM挺身而出，撰寫千字長文列3大觀點護航女友。葉蒨文曾展望｜GM撰千字長文護航女友曾展望回覆網民留言，力撐葉蒨文：「唔緊要啦，你話佢（Sophie）小氣又好玻璃心又好乜都好啦，反正我點都ok佢。又反正點都影響唔到你哋」。他認為，留言處於惡意或關心，大家心中有數，坦言藝人作為公眾人物，雖應正確消化情緒，但面對惡意攻擊則是另一回事；他又表示，網民不應以「藝人你預咗啦」對藝人進行道德綁架，且美化自己的行為。葉蒨文曾展望｜葉蒨文GM拍拖一周年「獨照」遭質疑情變　Sophie開火反擊後再發文火上加油 ▼點擊圖片放大 +11 +10 全文如下：唔緊要啦，你話佢小氣又好玻璃心又好乜都好啦，反正我點都ok佢。又反正點都影響唔到你哋。理性討論，係咪唔俾關心呢？關心定惡意關心，大家都咁大個人，心中有數。第二，我同意藝人係要面對公眾嘅，點樣消化令自己進步係我哋功課嚟嘅。不過面對公眾同埋啞忍惡意攻擊又係兩回事，都係嗰句，點樣定義攻擊關心定黑心，唔多講了。第三，我好少覆，因為我覺得本身threads 就係氛圍好特別嘅地方，特別乜就大家自己填充，不過我覺得呢件事係關乎於我重視嘅人，同埋甚至係成個娛樂圈藝人面對嘅問題同埋網絡生態。我覺得大家成日都用一句，藝人你預咗啦。呢個係有少少道德綁架嚟既，成日有人惡意攻擊不同藝人，就用一句:你預咗，再美其言話關心，合理化自己嘅行為。Ok都冇問題，你有你嘅言論自由，咁係藝人都係人，面對佢自己覺得唔合理既事，都可以有好多處理手法嘅，但係可能就唔係單一地要默默承受大家既惡言相向，冷言冷語。唔講咁多啦，總之，我覺得佢幾有性格，幾型。最後，希望大家對個世界少一啲惡意，最後一齊多啲包容，對大家對社會對香港都好，對自己都好。更何況兩個人嘅感情又不需要第三者既包容存好心就ok了，大家生活愉快葉蒨文曾展望｜甜蜜互動證情不變此外，GM亦在Sophie的帖文下留言，甜蜜撐女友：「我覺得ok, 唔post 我ok ，有post 我ok, 你IG淨係post我唔post你自己我都ok. 反正我ok你 Ok」，Sophie以回覆「很ok」，兩人感情十分穩定。 ▼點擊圖片放大 +20 +19 更多葉蒨文相關文章：葉蒨文曾展望｜葉蒨文GM拍拖一周年「獨照」遭質疑情變 Sophie開火反擊後再發文火上加油葉蒨文曾展望｜葉蒨文驚爆勁想要小朋友 1原因準備雪卵：完全唔ready 揭與GM真實感情狀況葉蒨文曾展望｜與GM拍拖一周年遭質疑假戀愛 葉蒨文親回應唔係情侶係普通同事？ ▲ 葉蒨文