女神配對計劃2｜俞可程被甜品店老闆Zico收服 雞啄唔斷旁若無人阿Bob起哄：原地結婚啦！

【俞可程 / 侯建民 / 女神配對計劃2】由「金牌媒人」林盛斌（Bob）主持的TVB戀愛真人騷《女神配對計劃2》，昨晚（20日）播出第三集，五大女神何沛珈（Roxanne）、阮嘉敏（Mandy）、陳若思（Amber）、俞可程（Kanis）及郭珮文（Juliana）撳燈挑選心水求愛勇者！昨晚，Kanis 除與人氣「冷氣男神」方智弘Oscar心意相通，成功拯救了僅得兩燈的Oscar外，還與年收入超過120萬的甜品店老闆侯建民Zico心意相通。女神配對計劃2｜俞可程Kanis被高質甜品店老闆Zico收服現年40歲、曾為世界健身先生亞軍的侯建民Zico，擅長整甜品及巴西柔術，甫現身即被Kanis 家姐相中：「佢有酒粒架，我妹一定鍾意有咯！」果然，愛酒粒又愛甜品的Kanis即冧滋滋問Zico：「 你會整咩甜品畀我？」當Zico回答：「 你鍾意食乜？布甸朱古力？因為呢幾款比較甜。」Kanis即一副冧到入心狀態，阿Bob見狀：「我哋幾個可以走先，你哋慢慢傾啦好嘛？！」冷靜派家姐則表示要急Call阿妹呼籲冷靜：「佢春心蕩漾，我要打畀佢」、「我知你沉晒船，你個樣嗒晒糖，但我要提你冷靜吓。」肉緊又投入的反應相當討喜。女神配對計劃2︱阮嘉敏獲內地短劇男神由西安來港告白　Mandy被感動飆淚　38歲吳旭東背景大起底 ▼點擊圖片放大 +13 +12 女神配對計劃2｜獲答應親製布甸朱古力冧爆直呼：我個心即刻好甜呀Kanis 事後直認Zico識整甜品大大加分：「聽到有整甜品畀我食，我個心即刻好甜呀，布甸我好鍾意，朱古力我都好鍾意食，兩樣加埋一齊我都未食過，所走我都真係好想試吓有整呢樣甜品。」 經家姐「點醒」的Kanis，即時理智歸位，並問回現實問題：「你係鍾意顧人、定被顧人多啲？」、「有爭執你會點處理？」Zico聞言淡定穩重回應：「最想當日或當面解決，唔想留過夜。」家姐聞言舉腳讚好：「呢個喇啱喇啱，幾好幾好！」Kanis稱：「我都鍾意即時決問題嘅人。」原來Kanis早就過意Zico，事緣她和Zico都是李偉健（Terry）的common「friend，Kanis：「有次我見到Terry IG 甫咗張相一班人做Gym，好機緣巧合下撳到Zico IG，本身都過意佢有一段時間，所走有種熟悉嘅感覺。」Zico亦指五位女神中，早已鎖定Kanis為目標，並大讚Kanis在《東張》的表現令其過下深刻印象：「巴士嗰集，你好似成個老師教仔咁。」最終在互有好感、價值觀初步脗合的情況下，Kanis與Zico心意相通組成「甜品CP」， Kanis為Zico 戴上心動頸鏈時，讚完Zico酒粒後，更嬌嗲地低呼：「好怕醜呀」，充滿粉紅泡泡的互動不但引爆全場歡呼，阿Bob更搞笑謂：「好似可以原地結婚咁！」  女神配對計劃2｜世界健身先生亞軍年入逾120萬Zico 身高1 米78、體重80kg，年收入120萬。精通巴西柔術的他擁爆肌身形，走及出眾的運動履歷。2007年Zico曾參選《香港先生競選》，與袁偉豪同屆，2013年更勇奪「世界健身先生」亞軍。此外，Zico亦演出過不少劇集及電影，曾與羅子溢、何潤東等男神級藝人合作。雖然 Zico 外表條件優越，但他亦在節目中吐露過往的情傷故事。他自爆自己曾與一位日本女仔拍拖，當時兩人感情極佳，生活相處得宛如兩公婆般甜蜜，可惜最終因女方出軌而遺憾收場。 ▼點擊圖片放大 +16 +15 更多張家齊相關文章：女神配對計劃2｜首季求愛勇者Mattew捲土重來 富二代 黃家俊身份大起底 i-banker兼模特兒年薪逾200萬女神配對計劃2｜鄭健樂公開爆料親密情史 崔碧珈疑隔空炮轟Rocky：為博流量編故事女神配對計劃2︱阮嘉敏大起底 中大傳理畢業參選港姐入行 Mandy創業做老闆娘拍內地短劇爆紅 ▲ Kanis 同 Oscar 心意相通，全場即刻勁興奮。