旺角大媽等過馬路搭訕圖搶手機 「你個殼喺邊度買？」 醒目女做一動作避一劫｜Juicy叮

一名女途人早前在旺角亞皆老街附近等過馬路時，一名大媽藉詞親近，詢問「你個殼喺邊度買」，邊講邊企圖伸手強搶手機，幸而事主醒目做出一個動作成功保住財物。貼文引發網民關注，更有人大爆類似經歷，指在太子金魚街疑似遇上拍手遞紙的「迷暈黨」，呼籲提高警覺。詳情見下圖及下文：旺角大媽等過馬路搭訕圖搶手機 「你個殼喺邊度買？」 醒目女做一動作避一劫逐張睇↓↓↓↓醒目女急拉拉鍊避一劫樓主早前（16日）在社交平台 Threads發帖，細述這段驚心動魄的街頭經歷。事發於當晚 8 時許，樓主在旺角亞皆老街等過馬路，正當她打算看巴士 Apps（應用程式）時，突然有一名大媽問了一句「你個殼喺邊度買」。未等樓主反應，大媽竟然「手伸埋嚟肚前面」，目標直指樓主的斜揹袋，手差點就碰到電話。幸好樓主防範意識極高，一早把手擋在袋前並「立即拉埋拉鍊」，大媽見無機可乘才無奈走開。大媽事敗等下一獵物最令樓主心驚的是，當她過完馬路回頭望，竟發現大媽依然「企咗喺路中心，似等緊下一個獵物」，並非普通路過。貼文隨即引來大批網民高呼心驚，網民直指對方的真正目的「係老笠你部機」，驚呼竟然連「直接搶」都做得出來，表示出街時要加倍小心，大嘆現在出街「都扣番條電話繩」。網民爆料金魚街疑遇「迷暈黨」留言區更有網民分享在太子金魚街遇上騙徒的同類經歷。該網民透露日前去買寵物糧食時，突然被陌生人「拍我隻手，之後遞張紙喺我面前」，相信又是博同情騙錢的行徑。網民當時立刻當作看不到行開，直言用手碰到自己感到十分骯髒，甚至擔憂對方「塗啲迷暈嘢喺我隻手」。樓主對此大有同感，痛斥最憎與陌生人有身體接觸，高呼在街上真的要拿實電話，以免成為下一個受害獵物。資料來源：cutegime77＠Threads相關閱讀：黃埔男遭兩女「問路黨」夾攻搶手機過數掀熱議 事主報警崩潰怒吼：「好心畀人當狗咁Ｘ！」矇面賊銅鑼灣當街搶手機 夜歸女一招退敵：搶唔到仲唔死心想再嚟 同區受害人：我撞到佢「打電話黨」疑奸招套手機號碼 港女細述騙徒外貌警世 網民有同類經驗教3招自保