外賣「沙牛米」贈「蜜唧」 汁撈初生鼠配「腿奄」 港女驚叫恐怖

食外賣是打工仔女常態，不過開餐前記得檢查一次，否則就如今日(7日)一名港女般有驚無喜！事緣網上流傳一則貼文，當中影片可見一隻尚未開眼的初生幼鼠躺在湯汁中掙扎，嚇得該港女直呼恐怖，不少網民觀罷亦指「好痴(黐)線」。發貼港女隨後表示已通報食物環境衞生署，至於涉事的幼鼠外賣則已原封不動交由到場的食環署職員接走。 從原貼文及影片得知，是次出事外賣來自葵涌華星工業大廈的「華姐冰室」，貼文寫到「一開個蓋嚇死，點解間餐廳咁都睇唔到」，而附帶的影片可見，一個外賣盒內似有一物正在蠕動，發貼者隨後又在留言區內上載另一段開蓋片段，只見一隻初生幼鼠躺在外賣盒一邊的湯汁中蠕動，根據片中的外賣單顯示，該外賣為「(常)沙牛米」(沙嗲牛肉米粉)跟「腿奄_奶朱」。 不少網民對事件均感嘩然，直斥涉事餐廳「好痴(黐)線呀」、「好變態，處理外賣嗰個點會睇唔x到」、「救命啊，咁大隻(老鼠)」。不過亦有留言笑道「沙嗲嫩鼠米粉」、「咩外賣呀？係產房」，甚至有網民猜測「間餐廳得罪人？無理由成隻(老鼠)bb就咁係(喺)面。」 另有人則趁機分享一道稱為「蜜唧」的中國禁菜，即「三叫鼠」，因「用筷子夾起幼鼠時，幼鼠會叫一聲，把幼鼠沾醬或其他調料時會叫第二聲，放入口中時會叫第三聲」，故又名「三吱兒」。