居住體驗｜聲稱「大西北」唔好住決定搬家！ 港人狂數3大缺點掀熱議 街坊反擊：1核心優勢完胜

香港寸土寸金，租金及樓價高，為追求更便宜的住樓開支或更寬敞舒適的環境，部分港人會選擇搬入「大西北」屯門、元朗、天水圍區，提升生活質素。然而，近日有「大西北」街坊在Threads發帖，指自己在屯門及天水圍區各生活過一年，列3大缺點呻「一啲都唔好住」，惹來網民熱議。居住體驗｜狂數「大西北」3大缺點決定搬家樓主透露自己在屯門區及天水圍區各住過一年，如今已決定離開，列3大缺點呻「大西北真係一啲都唔好住」。首先，他認為屯門市廣場「冇嘢行」，不論購物或飲食價格都很貴，而交通問題則更加嚴重，幾乎每個星期都會有四、五次塞車情況。 ▲ 樓主斥「大西北」商場面積小、冷氣不足又不好逛。（《熟女強人》劇照）至於天水圍區，樓主怒斥「簡直垃圾」，區內消閑設施缺乏，又沒有吸引力；而元朗則處處都是內地人，地標商場也是缺點多多「又唔夠冷氣又唔好行又細」，交通亦不便。居住體驗｜街坊反擊：1核心優勢完胜貼文引來網民熱議，有部分搬入「大西北」的街坊表示感同身受，「超同意，我荃灣搬過嚟，依家勁後悔，搭輕鐵勁辛苦」、「最緊要就係去邊區都要搭車搭遠浪費人生幾多時間，屯馬綫又逼到嘔，條屯門公路一塞車例牌遲到」、「大西北交通真係硬傷，日日塞車邊個頂得順」、「其實唔介意舊，買市區樓好過，通勤係好浪費時間」。 ▲ 樓主斥屯門市廣場「冇嘢行」。（資料圖片）但亦有不少人力撐該3區擁有2大核心優勢，即性價比高及北上方便，「至少租金正常」、「住屯元天的其中一個好處是方便北上，完全不北上的話，就沒有了50%以上的優勢」、「YOHO都叫細無嘢行？香港商場佢頭5大」、「其實屯門又唔係講到無選擇，都有鐵路唔洗塞車，唔係得一條屯公嘅」、「完全唔同意囉！我住元朗嘅，食我覺得好過出面，住我可能離開市區少少，我覺得環境好清靜，交通你覺得垃圾，你有錢咪買車自己揸」。 ▲ 樓主呻屯門公路頻頻塞車，交通問題嚴重。（資料圖片）