車Cam直擊：龍山隧道電單車撼私家車傳巨響 鐵騎士拋飛15米外

昨晨(21日)9時許，一輛私家車沿粉嶺龍山隧道往九龍方向行駛期間，懷疑因故障停在快線；其後，一名姓潘（25歲）男子駕駛電單車途經現場，懷疑收掣不及，從後撞向私家車，再反彈撼中慢線石壆翻側。涉事電單車前輪飛脫，碎片散落一地，私家車則左車尾損毀，左後方車輪鬆脫。潘男手腳擦損及報稱頸痛，清醒由救護車送院治理；61歲私家車女司機無恙，留在現場配合警員調查。 涉事車Cam片段今晨(22日)被上載至社交平台，影片可見一輛電單車沿快線行駛，遠方則有一輛私家車懷疑因壞車而亮起「死火燈」停下。電單車其後在毫無減速的情況下，猛撼私家車左車尾，強大衝擊力伴隨一聲巨響，電單車前輪瞬間飛脫，鐵騎士與電單車人車分離。電單車繼而再反彈撞向慢線石壆翻側，鐵騎士則拋飛至約15米外，倒地不起。突如其來的嚇人畫面，使「車Cam片主」也不禁驚嘆，幸最終亦能在電單車前煞停，未有造成二次意外，長11秒的片段亦至此結束。 貼文引來多位網民留言，其中有不少人懷疑涉事鐵騎士事發時正在看手機：「零刹(煞)車，睇手機？？」、「我幾佩服啲人 揸車係播住片咁揸車」、「係咪以為隧道一定吾(唔)會有車停，睇陣電話點知有喎」。另有網民指：「好明顯。好多喺隧道合(瞌)眼瞓。」而真相則不得而知。