宏志閣第二次上樓第四日 有居民傷心稱單位新裝修「好多嘢攞唔到」

大埔宏福苑宏志閣第二次上樓安排今日（16日）進入第四日，獲安排居民早上8時許陸續到場。居住25樓一單位的袁小姐傷心哭泣地表示，她的單位剛新裝修，原本再待大維修完成，便會好輕鬆，「點知一場大火，搞到我哋回到三十年前，煮嘢食都煮唔到。」 今次再上樓執拾，袁小姐稱「好多嘢攞唔到!」只能取一些衣服等簡單物品，其他東西包括新裝修的物品只能留在單位，她十分不捨。她又指，政府對宏志閣「一時話收，一時間又話唔收。」沒有方向，她心理上「好唔開心。」她本身的意向是想賣，因為現在宏福苑只有「單幢一幢喺度」她要為下一代着想，因為「住幾年之後都唔知點算。」所以雖然新裝修，也想賣出去。至於業主大會，他認為開也沒有作用，「宏福苑咁多人，次次開乜嘢會都係得個講字，結果都係一樣。」