田心村原居民扎根逾四代 批當局冇溝通 母親節為家園抗爭

受「洪水橋/厦村新發展區」影響，亦園村面臨政府收地重建。有扎根超過四代的田心村原居民稱同樣受重建影響，又指「明清時代已經喺度」，由2015年起要求和政府部門開會爭取合理安置，但一直未獲理會，又曾經去信政府辦、中央駐港機構，至去年6月獲政府辦回信指會把個案轉交地政署和發展局；相關部門指會研究及盡早回覆。惟居民續稱其後沒收到回應，直至上周四(7日)「(相關部門)突然衝嚟我哋屋企，就話下個星期要強制清場。 有田心村居民提到，之前冇任何嘅電話聯絡、書面聯絡，溝通都冇」。他們稱厦村鄉鄉事委員會村鄉事委員曾發官方證明，名單有50名「男丁」，因此認為實際上受影響人數超過100人。他們又認為，原居民村被清拆「基本上係被滅族」。他續指，原先政府用地發展藍圖把該地段列為教育用途，當時政府部門認為「因為公屋都仲有好多年都未會起好，所以我哋嘅地係唔需要咁緊急收回」。居民指，原以為尚有時間可以慢慢處理搬遷安排，加上部門一直沒有跟進，卻未料直至施政報吿公布興建大學城才突然加快發展，沒有和村民溝通。 他們又指，地政總署上周連同執法部門及其他部門，約20至30人要求村民下周必須「清場」，居民沒準備亦沒獲事前溝通，「佢依家講緊話下個禮拜係要嚟拉人封屋，令到我哋突然間失去我哋所有嘅財產，我哋嘅安居之所」。而在今日(10日)母親節，居民們亦沒有辦法和家人共聚慶祝，反而站出來為家園抗爭。 不過，居民又指當局沒有清楚說明下周何時清場，擔心下班回家「屋企可能就已經被人哋爆咗鎖，上咗政府嘅鎖鏈，閂咗水閂咗電，你嘅財物乜嘢都冇晒。我哋依家係連工都唔夠膽去返。」他們稱致電要求政府部門延期，但未獲正式回應，「淨係話佢哋預咗有反抗，預咗激烈反抗會有警察到場。呢一個絕對唔係一個以人為本政府嘅合理安排。」