宏福苑聽證會｜ICU巡查宏福苑10次 當中8次事前涉「通水」 古小平解釋RI在場有實際需要

宏福苑大火獨立委員會今日（6日）召開第22場聽證會，由房屋局獨立審查組（ICU）高級屋宇保養測量師古小平作供。他稱在宏福苑的10次巡查中，8次有事先通知註冊檢驗人員（RI），承認這是ICU的習慣。但古否認事先通知，會讓承建商有機會魚目混珠，又稱不知ICU做法與其他政府部門不一。早前聽證會披露，ICU涉在巡查前有通知。古小平指，ICU與屋宇署一樣有突擊檢查，舉例地盤檢查組、現有作業小組處理投訴等都不會事先通知。而ICU收到投訴後，會預約註冊檢驗人員（RI），因RI負責監督項目。他又說，其他項目有圖則審批，維修保養則沒有，故要求RI在場解釋「有實際需要」，強調會以最短時間約RI巡視地盤。辯稱如何預約在強制驗樓手冊中「冇寫」委員會首席代表大律師杜淦堃質疑，消防處、勞工處、屋宇署巡查均不會事先「預約」，「似乎你地收投訴做法同其他部門唔同，你地同人唔同，你地知唔知？」古回應「唔知道」，又稱「點預約喺（屋宇署強制驗樓）手冊冇寫」；杜隨即指，「係冇寫㗎嘛，唔係寫咗話你要通知佢」。杜又指，若事先通知，難發現RI或承建商違規。古對說法「有啲保留」，因RI負責監察承建商，即使有違規，他們都不應該通知承建商。去年颱風「樺加沙」及中環華懋大廈三級火後，ICU多次提醒RI注意棚網安全。當時ICU收到宏福苑居民江祥發有關棚網投訴，因此古指示下屬劉嘉敏，約鴻毅的楊展文巡查。會上展示劉及楊對話：劉嘉敏：早晨，我記得 Andy Sir（古小平）11月3號開始放假，Andy Sir主要想睇睇宏福苑嘅棚網，因為近期收到業戶的查詢，主要擔心舊棚網脆弱不能保護棚架target 明天睇宏福r u ok?楊展文：下午可以 上午去驗收劉嘉敏：明天下午我們都OK煩請安排宏業阿譚出席，我們想了解舊棚網與新棚網的規格與阻燃能力古小平：不知RI會告知承建商杜淦堃指出，ICU通知巡查日期後，承建商宏業同日急訂棚網，「我冇基礎話你地打籠通，但你地做法令佢哋有機會魚目混珠」。古小平不同意，指ICU在颱風後，已發出數封電郵予RI表達關注棚網事宜，不知RI會告知承建商，又指「就算我地話會做棚網，宏福苑範圍咁大，唔可以預測佢哋會做咁離譜嘅手腳」。杜表示，明白ICU「估唔到」，但ICU通知巡查時間，的確令承建商有時間魚目混珠。古指出，ICU一般會提早一至兩日通知，宏福苑10次巡查中，兩次沒有通知，3次即日通知。當中2025年10月28日巡查是提早一日通知、2025年3月3日及5日，則提早兩日通知。另有3次提早約6日通知，包括2024年10月28日，2025年1月21日、及2025年6月3日。古小平解釋，去年兩次巡查「唔係睇承建商做嘅嘢，係因為當時收緊投訴」，又透露涉及冷氣機台，重申「(通知)時間長，但唔係睇承建商違規嘅嘢」。 HKET App已全面升級，TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m追蹤TOPick WhatsApp頻道睇最新資訊︰http://tinyurl.com/3dtnw8f5