宏福苑執拾︱家園燒毀兒子情緒差問「點解冇得返去」媽媽今帶兒子畫作上樓表情意結

大埔宏福苑大火的災民，近日陸續獲安排上樓執拾；今日（5月1日）是宏泰閣和宏建閣居民最後一日上樓。住宏建閣26樓的范女士帶了11歲兒子的畫作上樓執拾，表達他對出生後一直住在宏福苑的情意結。范女士指，大火後兒子的情緒一度不好。「佢之前接受唔到屋企火燭，冇得返去，最初幾日都冇胃口，唔肯食飯，後嚟佢班主任好好，安慰佢，開解佢，佢情緒先穩定落嚟。」他兒子特別畫了一幅有關宏福苑外貌的圖畫，表達「我愛宏福苑，這裏是我家」的心意。「佢出世就住喺度，對宏福苑有情意結。」