張先生：有居民要好好同罹難者道別 喊一喊都好 3個鐘唔會夠

政府今日(21日)繼續安排宏新閣居民上樓執拾。住在中層單位的張先生指由於嫲嫲剛出院，身體未恢復，故今次未能一起上樓，但希望爭取到讓老人家下次上樓的機會。 被問及對政府給予3小時入屋收拾的安排有何意見，張先生說：「執屋都執成日喇，3個鐘，希望再畀我哋上去，若果你所謂的人性化嘅話，就畀我哋有更多嘅機會執拾自己嘅嘢，再上去。」跟着他帶點哽咽說：「有啲(居民)要好好同罹難者道別，3個鐘都唔會夠，喊一喊都好。」 對於事前有沒有看過照片，了解有關家中損毀的程度。他表明沒有收過任何相片，只知損毀情況不嚴重就不給相。他說：「雖然唔嚴重，都要上去睇吓。」又說：「自己想記錄番最後一次，唔知係咪最後一次吖，返屋企嘅回憶囉！」他指已4個月沒回家，有些東西放在甚麼地方也忘了，需要一些時間去找尋。 至於事前有否上樓準備，尤其是老人家。他說：「一啲準備都冇。我OK嘅，因為本身做開運動，屋企人同親友都要適應下先行上樓梯，都需要啲時間。」 被問及老人家想在家中帶走甚麼東西？他說：「盡量滿足佢嘅要求，其實嫲嫲喺屋企，佢都好堅強，所以佢都Handle到嘅。」