宏新閣居民稱心情複雜「又㷫又興奮」 盼取回結婚證相片等

大埔宏新閣的居民，在今日(20日)上午8時許陸續抵達港鐵大埔墟站B出口，排隊登上免費接駁旅遊巴前往廣福社區會堂登記中心。有居民拖篋，以備檢走物品。其中一名男居民登車前表示，之前已看過單位災後的相片，屋內已經燒到「黑晒㗎」，現在上樓心情複雜「又㷫又興奮，唔知點講好。」他打算上樓後「攞番啲貴重嘢，例如啲金，其他啲嘢攞到就攞。」 另一名居住低層住戶李女士表示，準備了防護衣，有4人一同上樓，心情「要等上咗樓先知」自己希望取回珍貴的物品，包括相片，「睇吓攞唔攞到，都未必攞到，應該都爛晒。」暫時未有感觸，「要等上咗樓先知自己會點」。 居於宏新閣7樓的梁先生表示，希望能夠拾回貴重物品，有甚麼東西就拿甚麼，只預備了袋子上樓。他指出，自己沒有獲發單位相片，「好似話選擇性畀相睇」，所以不知道單位內實際情況。他亦坦言，希望「唔需要行咁多轉，一次過搞掂大家都唔使咁麻煩。」 居於大廈低層的鍾先生帶備手拉車、紅白藍袋，甚至螺絲批和鉸剪。他表示，因擔心上到去「唔知會唔會有啲嘢要拆」。看過災後單位相片後，他最希望取回自己的電腦，因裏面存有兒子小時候的照片，坦言「好想返去」。此外，他亦希望能拿回一些重要文件，如結婚證。被問到是否等得太久才獲安排上樓，他指每個居民都等了同樣時間，自己比較幸運能第一輪回家。