網絡熱話｜西灣河疑現「鎅褲黨」 港男褲穿窿靠環保袋力保不失

【有線新聞】西灣河疑現鎅褲黨！有網民近日在社交平台發文，指在太安樓附近懷疑遇到「鎅褲黨」，左邊臀部褲袋被割破，幸好褲袋內只有環保袋，未有造成財物損失。 該名港男在社交平台Facebook群組「筲箕灣西灣河關注組」發文，指上周五（12日）下午前往在太安樓附近用膳，怎料懷疑遇到扒手，對方以利刀片狂鎅其牛仔褲左邊臀部褲袋。褲袋最終慘被割破，惟內裡並無錢包，僅得一個環保袋，未有造成錢財損失。他直言「佢應該用好利刀片鎅咗好多下，連我都feel唔到。」他又指，「如果佢連環保袋都偷，我寧願送比佢，都唔好鎅爛咗我條褲。佢條氣應該唔順，應該再揾其他目標。」他又呼籲市民要好好保管財物。 樓主褲袋被割破。「筲箕灣西灣河關注組」fb圖片 帖文隨即引起大批網民留言，指「開頭以為你條褲本身爛咗」、「可能佢好嬲，鎅咁耐發現係環保袋」、「處處都有賊，我哥上月在北角比人拉開背囊拉鍊，好彩發覺得快」、「我都俾人鎅過，但係得一條鎅痕，佢似磨咗你好耐喎」。 褲袋未有放錢包，只有一個環保袋。「筲箕灣西灣河關注組」fb圖片