有片｜旺角中心兩舖積怨爆衝突 首飾店員疑吐口水遭美甲師擸硬物插頭 3人被捕

旺角一間美甲店發生打鬥案，3名女子被捕。今日（11日）傍晚6時許，警方接獲報案，指旺角中心商場1樓一間美甲店內有人打交，警員到場調查，以涉嫌「在公眾地方打鬥」拘捕3名女子，其中49歲姓陳首飾店的職員報稱受傷，由救護車送往廣華醫院治理，至於50歲及39歲的美甲師則由警方帶回警署作進一步調查。根據網上流傳的3段影片所見，短髮的首飾店女職員遭一名銀髮美甲師從後箍住，同時又被一名長髮美甲師扯頭髮，其間更被人以硬物狂插頭部。在場有圍觀的人士大叫：「你唔好再搵嘢插佢」、「唔好打喇」、「快啲報警呀」。雖然短髮女不斷掙扎反抗，又用手拍打長髮美甲師的面，但對方未肯放手，雙方一直互相拉扯，並撞冧儀器及桌子，現場一片混亂，有顧客更被嚇得瑟縮一角。有網民表示，短髮女與美甲店的美甲師早前已發生爭執，雙方積怨已久。較早前，雙方再次發生爭執，短髮女疑「覺得條氣唔順」，折返美甲店向人吐口水，才會釀成今次事件。