香港小姐2026｜6號大熱佳麗遺憾與獎項擦身而過 盧蔚晴豁達面對結果感謝親友網民：旅程好圓滿 連續5個星期網絡人氣第一名

【盧蔚晴 / 香港小姐2026】《2026香港小姐競選》已於早前圓滿結束，前三甲分別由袁絲珩、鄧匡閔及李澤欣奪得；而本屆最年輕、現年20歲的大熱佳麗、曾5個星期登頂人網絡氣榜榜首的6號盧蔚晴（Jasmine）遺憾與獎項失之交臂。最終賽果雖然略顯可惜，但Jasmine收拾好心情重新出發，她今日（9月3日）在IG發長文回顧選港姐的心路歷程，感謝台前幕後同行、親友及網民的支持與厚愛，感性表示「呢段旅程已經好圓滿」，她指將來會繼續用笑容及正能量感染大家，傳遞溫暖。香港小姐2026｜港姐家庭互動兩極掀熱議　季軍李澤欣與鄉音媽媽鏡頭前0交流　冠軍袁絲珩凌晨歸家大批親友狂歡香港小姐2026｜性格大方率真深受網民喜愛：係我心目中嘅No.1盧蔚晴現時正在澳大利亞攻讀悉尼大學法律系，她不時於社交平台分享靚相，身形纖細結實，肌肉線條明顯，性感又健美，絕對是美貌與智慧並存的佳麗。 ▼點擊圖片放大 +12 +11 Jasmine的性格亦相當率真的大方，早前在拍攝時大方發表「剃毛」宣言，才藝表演又化身DJ，多才多藝反差極大，深受不少網民喜歡，不少人看過長文後，紛紛留言鼓勵：「你已經表現好好，真性情又可愛，係我哋心目中嘅No.1」、「好開心支持咗你呢段時間，江湖再見」、「超級棒」。原文如下：大家好，我係6號盧蔚晴！可以最後一次講呢句說話，我心中充滿咗滿滿嘅感恩與感動。作為法律系嘅學生，我習慣咗用理性同邏輯去思考，但呢個舞台就畀咗我一個最好嘅機會用我嘅活潑同開朗去感染身邊嘅每一個人。好感激大家一直以嚟嘅厚愛，令我能夠連續五個星期成為人氣第一名。每一票、每一句打氣，都係我喺呢個舞台上最溫暖嘅後盾。雖然同獎項擦身而過，但呢幾個月所收穫到嘅人生體驗、蛻變同成長，絕對比起任何名銜更加有價值。呢個過程令我學識點樣喺挑戰面前保持優雅、喺壓力中沉澱智慧。好多謝大會畀咗我呢個舞台，亦好感激沿途互相扶持嘅工作人員、導師，同埋一齊並肩作戰嘅姊妹。身為香港女性，我一直深信香港人嘅風度在於逆境中嘅自強不息，同埋面對結果時嘅豁達同坦然。無論係咩名次，呢個身份賦予我嘅使命從來冇改變！我希望可以繼續用我嘅笑容同正能量去感染大家，做好親善大使嘅角色，將呢份溫暖延續落去。未來嘅路，無論係喺法律嘅專業領域定係其他方面，我都會帶住呢度學到嘅嘢，繼續將一步行得更堅定、更優雅。多謝每一位一直喺背後默默支持我、鼓勵我嘅朋友，有你哋嘅同行，呢段旅程已經好圓滿。 多謝～ ▼點擊圖片放大 +26 +25 更多香港小姐文章：香港小姐2026｜袁絲珩奪冠後首發長文吐心聲　曾自卑懷疑唔夠靚：平凡嘅女仔都可以有追夢嘅勇氣香港小姐2026｜港姐家庭互動兩極掀熱議　季軍李澤欣與鄉音媽媽鏡頭前0交流　冠軍袁絲珩凌晨歸家大批親友狂歡香港小姐2026｜施宇琪疑聘用深圳化妝師惹黑工爭議　涉事公司自稱後台打工給港姐化妝　TVB澄清：雙方多年好友義務幫化妝