鍾嘉欣演唱會｜鍾嘉欣開騷贈粉絲1字祝福掀熱議 網民指心靈雞湯變詛咒：見到真係嬲

【鍾嘉欣 / 演唱會 / 女神】現年42歲的前TVB花旦鍾嘉欣（Linda），2016年嫁給脊醫老公Jermy Leung，婚後誕下1子2女，一家五口定居加拿大生活幸福美滿；近年她逐步恢復工作，重拾演藝事業，不是出席活動及開演唱會。Linda近日舉行巡迴演唱會汕尾站，她在台上與觀眾互動環節，為粉絲送上1個字的祝福而引起熱議，認為她的心靈雞湯變成「詛咒」，直言見到這個祝福「真係嬲」。鍾嘉欣演唱會｜贈粉絲「忙」字祝福：愈忙愈好！鍾嘉欣當日演唱會身穿華麗公主裙現身，在五台山對住鏡頭一邊寫下「忙」字，一邊感性說道：「我送個『忙』字畀大家，點解我送個『忙』字呢？因為人生只要有得忙，即係話你更有生命，你有得活著。其實忙係好㗎，會令到你更加有朝氣啦，更加會照顧好自己啦，因為你忙嘛！所以，我好希望祝大家，喺呢個世界上，忙……喺忙嘅當中呢，我希望你哋好好享受呢一個忙嘅過程。無論發生咩事都好，心態係最要緊，所以祝大家愈忙愈好！」相信Linda的本意是想為都市打工仔打氣，鼓勵大家在工作及生活中尋找價值，亦要保持好心態。鍾嘉欣婚變傳言｜傳鍾嘉欣離婚兼向法院起訴丈夫　全家佈置聖誕樹用行動破婚變傳聞 ▼點擊圖片放大 +10 +9 鍾嘉欣演唱會｜網民指心靈雞湯變詛咒：見到真係嬲不過，這番言論卻沒能獲得網民認同，隨即留言直斥鍾嘉欣言論「離地」，「星期一睇到呢個post想報警」、「送返4個字畀你：一頭霧水」、「佢想忙咪自己忙囉，做咩要其他人陪佢」、「返工前見到真係嬲，反彈返畀你」、「佢喺溫哥華太悠閒」、「星期一玩呢啲，想做死我咩」、「如果我做殯殮、醫護、消防點算」。不過，也有網民認為，站在藝人的立場，自然是希望越忙越好，「佢將自己最想要嗰樣嘢寫咗出嚟，藝人唔忙等於冇得撈，佢係咁周圍出Show應該好焦慮」、「喺藝人角度的確越忙越好嘅」、亦有人討論Linda的經濟情況，「鍾嘉欣係咪好等錢洗？」、「佢要賺錢養家咪希望自己忙爆show，我童年女神到底嫁咗俾個咩人」。 ▼點擊圖片放大 +11 +10