合安2個月內再開大會 宏福居民斥迴避問題 「2個月後仲係咪業主？」

大埔宏福苑法團管理人「合安管理有限公司」(合安)終在今早(19日)11時舉行特別業主大會。會議到下午4時未完結，已有不少居民提早離場。宏昌閣朱先生批評，除火險部分值得關注外，他形容其他議程基本上是一個笑話。朱先生表示，「(大會)基本上完全冇答到我哋想問嘅嘢，完全避晒我哋問嘅問題」。 會上就兩個月內再開業主大會進行投票，他坦言：「兩個月後大家仲係咪業主，(大家)都好清楚、明白，有冇路畀我哋揀，根本就係笑話」。被問及會內兩次投票意向，朱笑指都冇投票，「個會開嚟都冇用，開嚟都解決唔到我哋問題」。 宏盛閣廖先生怒指有居民於大會提問第3次上樓執拾安排，大會將責任推卸去一戶一社工，又稱「大會好巧妙避開我哋想知道嘅答案，又或者係遊花園所以其實(開會)嘥氣」。今次業主大會分了兩輪投票環節，第一項有關核數師報告，廖投了反對票；第二項再次召開業主大會問題上，他就投上支持票。至於居民感關心的火險問題，他續指：「已經要簽埋嗰個出售業權(意向書)啦，之後嗰個火險到時，已經唔關我哋事啦」！ 就兩個月內再開業主大會，4,642份、91.79%業權投贊成票，415份、8.21%業權投反對。