天眼直擊：上水賊仔猖獗 眾目睽睽偷單車

有網民在社交網上載一條偷單車「天眼」影片，指「上水偷單車黨依家好猖狂新豐路」。影片顯示日期為前日(3日)下午4時54分，一名穿灰色T恤、黑色長褲、灰色鞋及孭斜孭袋的中年漢，在新豐路24號外徘徊一番，同時仔細察看一輛鎖頭僅套於消防喉的單車。 其後，中年漢扮着若無其事，走至單車旁邊兼飲汽水，未幾動手將單車鎖頭拉離消防喉，花時10幾秒將單車推走，現場人來人往，偷車賊竟然表現得理所當然。當時，另有一名「四眼男」在場四處張望，惟不知他是途人還是同黨。 事件惹來網民熱議，「兩個男人又要掃街、又要睇水、又要犯法偷啲單車仔，搵到幾多呀，做份麥當勞無咁辛苦喎」、「二手單車群組有個人日日有單車出售嘅原因」、「其實偷單車嘅風險係好低嘅，除非你撞正車主返嚟斷正，甚至乎車主都冇證據證明部車係佢嘅」、「所以在街上看到別人的單車很傷殘廢鐵，不要笑，生活所迫」、「勤啲偷翻一半，做下清道夫都好喎」。