邵家輝右手韌帶撕裂做手術 疑因批踭打沙包導致

批發及零售界議員邵家輝指自己右手韌帶撕裂，昨日（24日）剛做手術，今早（25日）10時便出院出席立法會會議，預料需要戴固定器6個星期。他表示，手部多年來被舊患困擾，接受針灸、物理治料但未有好轉；但近一兩年認為有好轉，因此有「打沙包」。其骨科醫生最近表示：「已經斷曬嘞，即係一定要做手術。」 他引述醫生表示，受傷並非因為普通運動，「一定係有啲衝擊性嗰啲嘢先會令到佢斷啊嘛」，因此認為很大機會是「批踭」打沙包導致斷裂。他說雖然近年手部看似健康，但不能舉起至某些角度；近年即使「坐係度唔郁」亦感疼痛，醫生說若不做手術會慢慢萎縮，及影響其他方面。 他指預料需要戴固定器6個星期，9個月後才可做運動，現時晚上睡覺時仍要佩戴固定器。他說：「奉勸大家，尤其係年紀唔後生嗰啲，千祈唔好（亂來），量力而為，唔好成日以為當自己後生仔。」他表示，雖然學名為「韌帶撕裂」，但當時已經斷裂，無法透過一般針灸治療，必需受手術。他說吃了止痛藥，但藥效過後會感到疼痛，認為高估了目前情況。他說原先安排出席主禮一個活動，但太痛所以決定取消，笑言現時造型看似騎師。