九龍灣私家車剷行人路 女傷者指車速快到「避都避唔到」

九龍灣臨興街有私家車衝上行人路釀9傷。目擊者李先生表示，當時聽到巨大撞擊聲，「聽到兩下撞嘢聲，第一下唔係好大聲，第二下就好響，唔似私家車，仲以為係貨車撞到嘢」。他走到馬路察看，赫見不少人躺臥地上，「粗略估計有10個人」。 李先生續稱，未幾私家車司機打開車門落車，他沒有受傷兼清醒，並「周圍咁望」，神情好似呆滯咗，有街坊指其太太被拋出車外。李先生又指見到有3個人最傷，「佢哋瞓晒喺地下，郁都唔郁，其他傷者都會郁動，有人按住傷口叫痛，有男有女」。 江小姐也目擊意外經過，她表示剛巧行過現場並聽到有人大叫，她放眼前望，即見到有個女子倒臥地上，附近另有其他途人倒地，「個女仔手指仲會郁，好想快啲有人嚟救佢」。 一名男傷者謂，當時他正趕往食午飯，途中見私家車衝上行人路，他立即閃避，「我避咗一避，否則訪問唔到我」，惟他仍遭私家車撞跌倒地，導致眼角受傷。他形容私家車車速好快，「架車好快咁衝埋嚟，起碼80公里」。 另一名輕傷女途人說，事發時她站在路邊，私家車突然衝上行人路，並形容車速「快到我想避都避唔到」。