鯉魚門男子跣腳墮海 熱心釣魚漢拋水泡施救

鯉魚門有人墮海。今晨(26日)11時53分，一名姓溫(49歲)男子，被發現於鯉魚門避風塘防波堤休憩處對開海面載浮載沉，附近船家見狀高聲呼叫。岸邊一名姓江釣魚男聞訊，立即扔下水泡施救。 溫男立刻抓緊水泡，江男亦拉繩嘗試把事主拖回岸邊，惜期間繩子突然斷開。幸好救援人員及時趕至，隨即把事主救起，他沒有受傷，但為安全起見由救護車送院檢查。據悉，事主疑因跣腳墮海。 拋水泡救人的江男形容事主表現驚慌「震晒啦個人」，「佢諗住游返埋岸，但無落腳位」。江男於是出言安慰：「叫佢等等，唔好咁急，消防嚟緊，唔好再整嚟整去。」幸事主最終獲救，可自行上岸。對於成功救人，江男指自己心情「冇咩特別」，更謙稱：「驚佢（事主）有事啫，佢冇事就得啦！」