車Cam直擊 : 葵涌電單車駛近「快相機」失事 鐵騎士磨薑受傷

有網民上載一條電單車自炒的車Cam片，顯示日期在昨日(12日)晚上7時01分，現場在葵涌青山公路-葵涌段往荃灣方向近麗瑤邨對開，片中見涉事電單車途經一個偵速攝影機對開時，電單車突然向右傾側，鐵騎士登時人車分離飛墮路中在路面滑行，幸尾隨車輛及時收慢車速，未有將他撞及，而電單車則狂打「白鴿轉」飆前數10米始停下。據了解，鐵騎士疑駛至「快相機」前急煞車肇禍。 執法部門表示，當晚7時04分接獲市民報案，指上址有一電單車失事，姓邱(26歲)鐵騎士手腳擦傷，他清醒被送往瑪嘉烈醫院救治。意外起因有待調查。 網民睇片後均議論紛紛炒車真相，有人指「睇多幾次99%急剎(煞)頭鎖左(咗)頭轆摺頭炒」、「又唔似，依到(𠵱度)70，佢本身唔快，似個彎跣一跣」、「急剎(煞)相機位？」、「無abs唔熟車，一嘢拿死頭逼力鎖左(咗)轆摺軚派」，另有網民指「見到都痛」。