JACE演唱會︱陳凱詠紅館騷進入最後綵排衝刺階段 JACE邀陳慧琳林家謙任嘉賓：一定有驚喜

陳凱詠JACE首個個人紅館演唱會《JACE WORLD》將於2月18及19日（大年初二、初三）假紅磡香港體育館舉行。為兌現與歌迷的約定，JACE全程親力親為參與製作，更成功爭取紅館首次開放企位區域，打破傳統座位界限。距離演唱會倒數一週，JACE正進入最後綵排衝刺階段。團隊不惜工本租借場地進行差不多一比一排練，務求反覆打磨演出做到最好。JACE直言為演出調整狀態多月，說：「我用咗好長時間調自己嘅狀態，希望可以盡量平靜、專注。呢幾個月好努力，越近演出越緊張，但係越緊張就越想練多啲。我覺得只要準備充足，到時就可以俾大家睇到一個好好睇嘅表演。」為克服記歌詞的挑戰，JACE更自創跑步背詞法，事關她之前一直擔心記歌詞，這幾個月跑步就一邊跑一邊背住歌詞唱歌，並有信心無提詞機都唱到，說：「雖然提詞機喺邊我都未知，但我有信心，就算有提詞機都係俾大家一齊跟住唱嘅方法，我好歡迎觀眾同我一齊大合唱！」JACE陳凱詠 | 回應鼓勵聲音辦紅館騷 盼樂迷得勇氣自信尋覓世界 ▲ 陳凱詠JACE為首個個人紅館演唱會《JACE WORLD》密鑼緊鼓綵排。談及嘉賓人選，JACE難掩興奮：「第一晚請到嘅嘉賓，係我估唔到自己會請到嘅——陳慧琳！細個聽佢嘅歌大，佢嘅舞台魅力可以帶動全場開party，我好期待同佢一齊喺台上跳舞！」至於第二晚嘉賓網傳是她曾合作的林家謙，JACE說：「雖然大家可能估到，但我夠膽講，一定有驚喜！佢嘅演出部分好有誠意，程度係我都覺得『使唔使咁勁』？」JACE透露演唱會歌單橫跨不同時期，包括舊公司作品及近年親自創作，期望透過音樂訴說自己的故事，以打造一個有唱跳、有深情慢歌，風格同以往紅館演唱會不一樣的演唱會。適逢農曆新年期間開騷，JACE預告將與全場觀眾拜年，說：「年初二、初三同大家一齊開工，利是當然準備好！多謝台前幕後所有單位，呢個演唱會係好多人心血結晶。」她亦呼籲樂迷提早練習合唱，亦知道fans已經準備好螢光棒同應援物，好感謝fans陪她瘋狂，承諾會用最穩陣、最完美的演出報答歌迷。 ▼點擊圖片放大