萬千星輝頒獎典禮2025｜馮皓揚再遭恩師Momo狙擊 被指大話連篇食三次霸王餐

【馮皓揚 / 最佳男新人 / Momo校長】童星出身的馮皓揚日前在《萬千星輝頒獎禮2025》奪「最佳男新人」獎項，現年21歲的他可謂是星途無可限量。然而，馮皓揚的恩師、小童星訓練學員創辦人Momo校長昨日（1月6日）在社交平台上載影片，繼上次公開指責他忘恩負義後，再直斥馮皓揚大話連篇，更爆料其細時的「黑歷史」。法證先鋒VI｜馮皓揚未因金像獎光環自滿　羊羊：做戲時可以成為E人 ▼點擊圖片放大 +9 +8 最佳男新人｜恩師指馮皓揚大話連篇影片中，Momo校長欲抑先揚恭喜馮皓揚獲「最佳男新人」實至名歸，而後指他大話連篇，並爆料其曾3次食霸王餐的「黑歷史」：「原來大話連篇就被鼓勵，一個有10年演出經驗，攞過金像獎嘅人竟然仲攞新人獎。」Momo校長稱：「當年佢未成年㗎，但佢已經食飯唔畀錢嘅專才！佢食完走數，連佢父母都唔肯去贖佢，話好醜喎！最後佢硬住頭皮搵我救佢，仲同佢解咗圍，我仲同當時17歲嘅佢講，你唔覺得醜，我都覺得醜。唔夠一個月，同一間舖，上演同樣戲碼。」她續指，馮皓揚又重蹈覆轍：「佢當時着住我學院校服，我唔想令學校名譽掃地，最後我係用Payme幫呢位未來最佳新人找數。當時我用好嚴肅語氣同佢講，再救你第3次，你知唔知醜字點寫，7歲細路都唔會做呢啲行為，你知唔知佢當時點答我，佢話︰『唏，我都未成年！』我話未成年唔係大晒㗎。 ▼點擊圖片放大 +8 +7 最佳男新人｜Momo校長：佢嘅世界觀一直如此　馮皓揚方：已交由律師處理Momo校長指馮皓揚的世界觀一直如此：「今日佢對住全港媒體講問心無愧，我絕對相信嘅，因為喺佢嘅世界觀一直如此，佢梗係問心無愧啦，走得嘅無數，走唔甩嘅就搵人抹屎，一句問心無愧，就抹走人哋一切嘅恩情，迴避所有嘅證據，因為佢相信只要佢夠紅，有公司維護，有獎項光環，最終輿論都會幫佢找數，將所有醜陋一筆勾銷，呢個就係我哋香港未來偶像。」馮皓揚的經理人對此向傳媒回應稱已交由律師處理，解釋：「我聽返佢媽咪講，小朋友13、4歲時，有時唔記得帶銀包出街好正常，最後有搵媽咪，搵人幫佢處理畀返錢，唔係無畀錢走咗去，事後亦有俾返錢人。如果小朋友要呃食，都唔會再去返同一間食啦。」