粵車南下入市區首日 港珠澳大橋中午塞爆 香港口岸疑只開6通道

粵車南下入境香港市區部分今日(23日)起實施，東網接獲讀者報料指，港珠澳大橋香港口岸疑只開放6條通道，導致入境香港的車輛大排長龍，大量掛有「FT」開頭車牌的粵車塞在關口位置。讀者指上午11時30分已上橋等候過關，至下午1時40分仍在大橋上排隊。據讀者表示，以往平日時間大橋交通暢通，但今日粵車南下入境香港市區實施首日，卻導致嚴重塞車。東網正向入境處、海關及運輸署查詢。 讀者陳先生為中港牌私家車車主，今早打算經港珠澳大橋前往香港機場，惟上橋後到達香港口岸時，發現前方車輛大排長龍，「去到公廁位，嗰度(離關口)都百幾二百米遠，一眼望唔到盡頭」，當中多架是掛有「FT」開頭車牌的粵車，及後發現香港口岸疑僅開放6條過關通道，「今日係粵車南下第一日，但係訪客同香港居民就(分別)開得3條(通道)，你人手未準備好就唔好開啦！」 陳先生表示，現場秩序非常混亂，「啲車都打橫行，睇唔到要去邊條隊排」，又指原本香港居民開放的3條通道，其後又突然關閉其中一條，並加開一條訪客通道，「佢冇講點解，(原本正在排隊)啲車咪打尖去其他隊囉。」他又指，上午11時30分已上橋等候過關，至下午1時40分仍在大橋上排隊，憂慮未能趕及前往香港機場，乘搭下午2時30分起飛的航班。他提到，以往平日時間大橋交通暢通，但今日在粵車南下入境香港市區實施首日，卻導致嚴重塞車，「第一次排兩幾鐘都未過關，政府搞唔掂就唔好開啦！」 議員田北辰相信，今次大橋香港口岸塞車，與「粵車南下」或交通意外無關。他指出，政府9月起就「港車北上」推出新政策，除指定日子外，每逢周二、三，計劃下的車輛毋須預約即可經大橋北上，而入境處通常會根據前一周的車量，安排本周的人手。據他所知，入境處本周二、三有增加人手，但今日的塞車情況反映「人手加得唔夠」，估計處方未有留意今日是聖誕前夕，不少港人帶同正在放假的子女北上遊玩。 田續指，今早大量港人北上，入境處須調配更多人手到北上方向的關口通道，令南下方向更塞。據悉，入境處已在今日下午短時間內，在南下方向加開8至9條關口通道，以紓緩因南下而擠塞的車輛。他又指，政府每次推新政策，其他配合部門通常需要一年的周期，以收集及分析數據，形容在此期間猶如「盲公摸路」，需要「斷估」，預計未來一年，每逢周二、三都有機會出現塞車情況，「一近假日就麻煩」。