老的哥側住個頭揸的士 乘客全程呃水吹求保命

近日本港網上流傳一段驚險的士行車片段，引起廣泛關注。《東呼即應》於網上發現有片段顯示，一名年邁的士司機，側着頭來開車。發貼網民形容全程不敢瞓，不斷向司機「呃水吹」，以求保命。 有網民發文形容該次是「搭的士最心驚膽戰的一次」，因的士司機「一直側住個頭揸車」，「仲要keep住過線」，行車過程「完全無對線行」。片段及描述令人替司機及乘客的安全捏一把冷汗。該網民坦言，由於憂慮司機的身體狀況，「成程都唔敢瞓」，只能「係咁同佢傾偈，驚佢瞓着」，以免發生意外。 他憶述，行程中駛經青馬大橋時「仲驚佢衝落條橋」，直言「真係好怕佢咁樣揸落去會出意外」，可見當時情況確實險象環生，令乘客全程精神緊張。面對這驚心動魄的一幕，有網民稱「有頭髮邊個想做瘌痢」，若有好的安老政策，誰個想七老八十依然出來當的士司機呢。