女神配對計劃︱Andy哥反客為主霸氣命令梁敏巧 「暖男律師」劉啟進抱女神Maggie做深蹲爆呔

【女神配對計劃 / 梁敏巧 / Andy哥 / 譚品堯 / 劉啟進 / 榮嘉爾】由林盛斌擔任金牌媒人兼主持的TVB真人騷《女神配對計劃》，本周日（6月29日）播出第4集，繼續進行「三角枱約會」的女神，則有第三集已出場的關嘉敏（Carman）及梁敏巧（Maggie）。《女神配對計劃》第3集尾的預告精華劇透，在海選時要追「東張女神」梁敏巧（Maggie）卻被淘汰掉的身家過億余國華（Andy哥）「復活」，並取替來自烏茲別克的小鮮肉榮嘉爾（Jay）。原來榮嘉爾出局是因為簽證問題未能前往香港，於是Maggie被逼忍痛放手，並改為選擇曾在海選時約定會再見面的Andy哥。女神配對計劃︱小鮮肉Jay揭鏡頭背後對梁敏巧感覺　解釋被「霸氣總裁」Andy哥取代真相 ▲ 來自烏茲別克的榮嘉爾因為簽證問題不能來香港，未能繼續參加《女神配對計劃》追梁敏巧。女神配對計劃︱Andy哥「命令」梁敏巧強勢回歸的Andy哥，在「三角枱約會」表現進擊，當他獲得與Maggie對話機會時，即「霸氣哥」上身，瘋狂追問Maggie在海選中為何撳完燈又熄番燈，被逼到埋牆的Maggie坦白回應：「因為開頭我覺得你都係好Man嘅人，但我哋年紀都有啲差距…所以好驚我哋溝通唔到。」之後Andy哥再追問Maggie最後為何突然想通。據悉，Maggie即拋出「八字真言」回應，想知「八字真言」是甚麼？之後，Andy哥反客為主，繼續「霸氣哥」上身「命令」Maggie：「你做開《東張》成日訪問人吖，我畀你訪問我一個問題，我一定講真話架！」嚇得Maggie猛叫Andy哥「輕鬆啲」。然後Maggie順應「哥」兒，戰戰兢兢問對方與年紀相差很遠的女友會否有溝通問題，Andy哥的答案最終竟令全場陷入Dead air，更要勞動主持林盛斌（Bob）「救場」拯救無言的Maggie，到底Andy甚麼答案有如此大「威力」，更遭花生團的江美儀斷言：「死啦，我覺得似阿爸同女傾偈」。 ▼點擊圖片放大 +14 +13 女神配對計劃︱「體能之巔」天外飛釘Andy哥除「霸氣bite」夠搶，他在回合遊戲中的表現亦相當啜核！今集回合遊戲分別是「口味」、「生活」及「男友力」，除了第一回合，另外兩個回合均為動作題，「生活」的考驗題目為揼釘、「男友力」則是要公主抱梁敏巧兼鬥做深蹲，齋聽都腳軟。這兩場儼如「體能之巔」的回合考驗進行期間笑料百出，先說揼釘考驗，為展示Man爆一面及「我贏梗架喎」此超猛精神狀態，Andy哥不但不戴手套便上場、更一埋位已擸高衫袖大力一擊，卻因用力過猛驚現「天外飛釘」、險象橫生，令全場即時爆笑。之後，Andy哥獲重賽機會，這次雖然沒有「飛釘」，但卻因用力過度令鐵釘變形，手力相當驚人。 ▼點擊圖片放大 +4 +3 女神配對計劃︱「暖男律師」劉啟進爆呔至於「男友力」回合，則由年薪超過100萬的「暖男律師」劉啟進（Matt）突圍跑出。事緣出盡全力、做到最好的Matt，剛抱住Maggie做完第一下深蹲後，現場即傳出極大聲的爆呔聲，令全場爆笑不已。雖然如此，阿Matt仍咬緊牙關繼續做，期間爆呔之聲不絕於耳，相當有娛樂性。由於當日雙腳狀態不佳，Matt去到第十二、三吓時已面露極度痛苦表情，但仍咬緊牙繼續抱緊Maggie深蹲，氹得Maggie開心驚嘆：「好弗呀佢，落得好落呀！」雖然Matt又落力又可愛，但面對Andy哥如狼似虎的「人肉機動遊戲」式公主抱，到底能否如願爭勝？ ▼點擊圖片放大 +14 +13