元朗私家車直剷行人路 網民：真係好黐線

今日(20日)社交網有人上載一段長約21秒「車Cam」片，顯示時間為今午4時46分，一輛私家車沿元朗鳳翔路右轉入鳳攸北街，惟該車突然駛上行人路。當時旁邊有一輛單車，因私家車剷上行人路而停下，行人路上待過馬路的途人，更要「讓路」與私家車。 網民紛紛留言，指要告該私家車司機危駕，「揸車好多時都上一上壆。不過行人過路處直接剷上去真係犀利。」、「直接釘牌啦。」、「而(依)家D人揸車真係好痴(黐)線」，亦有人笑指「可能睇錯導航」、「佢去地鐵站？」。