車Cam直擊：東廊電單車撼Tesla翻側 險再遭私家車猛撞

今晨(8月1日)8時許，一輛電單車沿港島東區走廊西行快線、駛至北角碼頭對開，懷疑收掣不及撞向一輛Tesla電動車，電單車繼而翻側，姓馬(28歲)鐵騎士擦傷手，電動車姓李(52歲)司機無恙。救援人員到場，鐵騎士拒絕送院，電動車車尾和電單車均有損毀，案件列「交通意外有人受傷」。 有「車Cam」拍下意外一刻，相關影片亦上載到社交網。片中可見一輛電單車行駛期間，前面Tesla因應交通情況停下，電單車收掣不及撞上Tesla車尾，鐵騎士連人帶車向左邊中線傾側並跌落地。幸好沿中線馳至拍攝「車Cam」影片的私家車及時急煞停下，同時司機向左扭軚閃避，得以避免撞及鐵騎士和電單車。鐵騎士立即站起，電單車零件甩脫散落地，影片到此結束。