FB「全港店舖執笠結業消息關注組」群組 宣布執笠

「全港店舖執笠結業消息關注組」宣布「執笠」。(網上圖片) 早前網上熱傳facebook群組「全港店舖執笠結業消息關注組」，不少網民張貼各區店舖最新執笠消息，有網民諷刺「執笠執到有FB專業關注組，算唔算全球首創？」成為熱話。不過版主昨日(10日)卻宣布群組正式「執笠」。「全港店舖執笠結業消息關注組」發布影片，公布「執笠」消息。自稱是版主的Neighbor(阿Nei)，在影片中表示，群組「話咁快」已突破30萬人關注，原本打算在破20萬時已宣布「執笠」，然而各種原因影響而延遲，他強調「執笠」的決定早已萌生。「現在正式宣布『全港店舖執笠結業消息關注組』，正式宣布結業。」「其實真係有社會責任」阿Nei在片中解釋群組「執笠」原因，其中一個因素是主題已變質，「Group入面有好多相關議題，唔係淨係講執笠，都好多人討論。」因應網友的討論內容，專頁名稱都要有所改變。另一原因，是當一個群組的人數已達二、三十萬人，「其實真係有社會責任」。「如果當一個group淨係講執笠，個話題係咪對社會好呢？」他補充，若群組改名後，網友可以持續「傾落去」，「唔會令到社會覺得，因為有呢個group，經濟差咗會賴落你度，屬一個好的轉變。」