政Whats噏：遇女排即變粉絲 陳穎欣卡片索簽名得米

議員追星？話說議員陳穎欣近日去咗北京，竟然畀佢遇到偶像，即時變粉絲求簽名。係咪得米呢？ 陳穎欣一直都鍾意運動嘅，好多球類運動都啱，而佢呢次見嘅係球星。佢喺社交平台話尤其喜歡睇中國女排，而尋晚(28日)喺北京出席一個活動，竟然可以同國家隊女排運動員聚首，佢坦言即化身小粉絲，仲同運動員講經常觀賽力撐中國女排。 唔單止近距離接觸，佢仲成功攞到運動員嘅親筆簽名，可惜無排球在手。咁點算？機會錯過咗，唔知有冇下次，佢即係就攞卡片出嚟，攞咗幾個簽名。 喺活動中仲發生咗一段小插曲，佢發現平時出名用左手打排球嘅丁霞，簽名時竟然係用右手，於是好奇問丁霞 :「你不是左撇子？」喺旁邊嘅龔翔宇對佢講：「你真的有看球喎！」原來丁霞球技超卓，左右手都無難度，而袁心玥仲預告明年會嚟香港比賽，仲邀請佢到場觀賽添！佢形容開心到瞓唔着，激動嘅心情久久未能平復。