政Whats噏：劉業強連任鄉議局主席 莫錦貴擊敗林奕權衞冕副主席

新界鄉議局今日（1日）下晝將進行換屆選舉，鄉議局現任主席劉業強、兩副主席林偉及莫錦貴，再度參選競逐連任。而上屆都有參選的大埔鄉事委員會主席林奕權，今次亦再度參選。 林奕權回覆本報查詢時話，自已對今次選舉都係以「平常心」面對，但有盡全力喎。被問到有冇為今次選舉「拉票」，佢話自己都係做番原先嘅工作喎。 有鄉議局中人在選前預測，以現時的政治環境，鄉議局最重要係穩定，指「一動不如一靜」，預計原先是副主席的莫錦貴應該可以繼續連任，而後生仔就繼續學下嘢先喎。 睇翻上屆選戰結果，林奕權同莫錦貴嘅戰況都相當激烈。當時莫錦貴得58票，以1票之差擊敗取得57票嘅林奕權，當選新任鄉議局副主席。未知今次花落誰家呢？