港鐵連續兩日發生驚險扶手梯事故。前日（23日）晚上7時許，油麻地站內一條扶手電梯，其頂部的梳齒板突然整塊掀起，引來大批途人圍觀；及至昨（24日）晚10時許，鑽石山站A出口亦有一條上行扶手梯發生同類事故。據網上圖片可見，除梳齒板整塊「炒起」外，部分更斷裂成碎片，狀甚驚險。警方表示，初步未有接獲相關報案。《香港01》正就事件向港鐵查詢。據了解，兩宗事故幸無釀傷亡，但發帖的網民表示自己身處現場，場面驚心動魄，有人更因此爛鞋，「行遲一秒就係我爛腳或鞋！好彩呢位人兄冇事，只係爛鞋‥‥‥我問佢有冇事，同大叫啲人唔好行上嚟！」其他網民則指鑽石山站已非首次發生類似事故，「呢個位好恐怖喎，唔止一次！」、「又炒？好似早幾個月先炒過一次！」不少人恐被扶手「生吞」，憂心指「而家搭扶手電梯一定會望住對腳，最怕下次到我中！、「油麻地又係咁，鑽石山又係咁！」