關愛隊｜炎炎夏日派冷帽同頸巾提早部署？ 關愛隊長︰福袋有7樣物品

各區關愛隊不時會向市民派發福袋，不過在連日高溫下，有大埔街坊竟收到關愛隊送來冷帽同頸巾，有市民揶揄是否提早部署。相關關愛隊隊長向TOPick解釋，福袋內還有適合夏天用的蚊包、毛巾等共7樣物品，當中有冷帽及頸巾主要是不想長者「走兩轉」取福袋，提早派定。陳笑權︰不想長者走兩轉提早派有大埔街坊在網上發文指，收到大埔滘小區關愛隊所派發的福袋，其中有冷帽同頸巾，令其詫異並反問「大佬呀你知唔知呢兩日40度！」該關愛隊隊長兼大埔區議員陳笑權大呻冤枉，解釋福袋中共有7樣物品，包括拉鍊袋、腰包及時令物品蚊包、毛巾等未被展示，並非有意派發非時令物品。至於為何派埋冷帽及頸巾？陳笑權就話，是顧慮到長者行動不便，不想他們「走兩轉」取福袋，因此提早派定；加上早幾日立秋，想豐富福袋內的物品，遂將冷帽及頸巾一同送出。陳笑權稱，好多街坊收到時都豎起手指公，個個對福袋讚到飛起，又強調關愛隊出於好心，義工在大熱天時落區服務，知道有居民唔得閒來攞福袋，就直接送上樓，強調所有服務均急市民所急。 ▼點擊圖片放大