宏福苑聽證會｜ICU容兆倫以為「生口」屬保護窗戶措施 稱入職27年來無見過

宏福苑大火獨立委員會今日（7日）召開第23場聽證會，房屋局獨立審查組（ICU）高級屋宇保養測量師容兆倫供稱，曾看過「生口」照片，但當時以為屬臨時保護措施，無留意是「俾人出入嘅生口」。委員會一方質疑，「生口」有上鎖、有警告標示，明顯是出入口。宏福苑大維修工程中，ICU收到48份與翻新工程有關小型工程申請，其中宏昌閣及宏志閣被選中進行文件審核。委員會代表大律師杜淦堃展示2024年12月由認可人士簽署的工程展開通知書（表格MW01），涉及樓梯間防護欄及窗戶改動。分判商是志富建築；認可人士為黎家榮及戚務堅；檢驗人員是為吳躍。ICU稱：當時不覺得是一個出入口會上展示多張宏昌閣及宏志閣的「生口」照片，杜淦堃關注，ICU審查文件及圖則時有否留意到「生口」。容兆倫指，當時認為「生口」是臨時保護措施，「而家就知道係俾人進出嘅生口」，又指承建商當時「成座咁入（MW01）」，表格提及是更換窗戶工程，故當時著眼點是工程內容、是否合法、圖則資料等。杜續指，相片顯示後樓梯被木板封住，似乎變成出入口，容回應「當時我唔覺得係一個比人出入嘅口」。杜再展示另一張相片，顯示「生口」有上鎖，亦有警告標示提醒不要爬出，問當時有否留意後樓梯由窗變板，已非保護性質。容指，「但個板可以保護個窗，個窗可以有唔同狀况，當時睇法係咁。」ICU無實地視察   無接觸過生口「一啲都唔出奇」容兆倫的證人供詞提及，入職27年來無見過「生口」，今供稱以往房署進行外牆維修用吊船；工廠大維修則會在走廊通風口、單位窗口爬出去，「走火樓梯特登郁動窗俾人爬就冇見過」。杜反駁指，房署是僱主，當然會用最安全的方法做事；且ICU只會在開工前、完工後巡視工程，「工程期間啲人點做，你哋冇接觸過一啲都唔出奇，所以你講嘅情況係必然」。杜再展示「生口」上鎖照片，質疑如只屬保護窗戶的措施，不需要安裝門及鎖，質疑「呢個擺明係一個出入口，你冇可能覺得係做保護，如果用心睇，係唔會有呢個結論」。容兆倫回應，如有留意的話，應會發現。 HKET App已全面升級，TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m追蹤TOPick WhatsApp頻道睇最新資訊︰http://tinyurl.com/3dtnw8f5