醉拳II｜翁靜晶踢爆劉家良當年拍《醉拳II》精彩場面後 成龍突然加名變雙導演：即係攞彩囉！

【成龍 / 劉家良 / 翁靜晶 / 曾志偉 / 醉拳II】現年71歲的蔣榮法（火星）日前接受媒體訪問，公開批評成龍，指當年為其擔任武術指導受了很多屈辱，拍攝《醉拳II》因威也斷開而跌落，被成龍嘲笑「似隻龜冇反應」，最終拍了21個Take才完成鏡頭，翌日他腰部劇痛就醫，被告知即刻手術及修養3年。電影《醉拳II》由已故武術宗師、名導劉家良執導，翁靜晶昨晚（10月14日）在其YouTube頻道直播談及火星的言論，再度爆料指前夫劉家良原本該電影唯一導演，但最終卻因一場戲，成龍加名成為該片的雙導之一。成龍大哥掃背風波｜容祖兒疑遭成龍「搜身」影片惹議　霍汶希還原內情：大哥係gentleman ▼點擊圖片放大 +6 +5 醉拳II｜翁靜晶爆成龍突加名變雙導演翁靜晶表示，電影中有一場關鍵戲份是劉師傅手持長棍在火車底與成龍打鬥，「嗰時呢個概念講出嚟，大家都覺得不可行，因為火車底好矮，仲要揸住支長棍（編註：實際是槍），所有人都覺得好難拍，但劉師傅話『我做到』，咁成龍就當然話『咁你咪試下囉』，結果呢場戲拍出嚟，打得非常出色。」翁靜晶稱原本劉家良擔任《醉拳II》的唯一導演，合約中亦有寫明，但打鬥戲後導演名單突然多了一位成龍，「但到呢場戲出咗嚟，呢場戲絕對係攞獎，因為唔可能嘅嘢俾你打到出嚟，劉師傅自己睇完都覺得好經典，覺得分分鐘攞獎」。她續說：「突然呢個時候就多咗個導演，成龍變成雙導演 ，佢加咗個名落嚟變成雙導演，件事就係咁開始。我唔知佢拍咗啲乜嘢啦，佢都有拍過嘢嘅，但唔係乜嘢咁經典，經典嘅係劉師傅拍！咁見到嘞，即係攞彩就有囉！」 ▼點擊圖片放大 +6 +5 醉拳II｜曾志偉亦是令劉師傅不開心的關鍵人物翁靜晶還透露，當年拍攝《醉拳II》過程中劉師傅非常不開心，而當中有很多不開心與曾志偉有關，但基於「人不犯我，我不犯人」她現時不會透露，將來如果有人公開，並於劉師傅有關她才會講。翁靜晶還稱，劉家良拍完該片後，身體開始變差：「原因是好鬱好鬱，非常之鬱，除了人工被左扣右扣，中間亦發生了非常不好的事。」